އެސްޓީއޯ ހޯމްއިމްޕްރޫވްމަންޓް ބަށި މުބާރާތް 2015 ގައި އާދީއްތަ ދުވަހު ހަވީރާއި ހަމައަށް 26 މެޗް ކުޅެފިއެވެ.

25 ވަނަ މެޗިގައި ބައްދަލުކުރީ ގަލޮޅު ރަންތަރި ޓީމާއި މައްޗަންގޮޅި ވިދުވަރު ޓީމެވެ. މިމެޗް 23 ލަނޑު 0 ފޯލި/ 41 ލަނޑު 11 ފޯލިން ކާމިޔާބުކުރީ ވިދުވަރު ޓީމެވެ.

26 ވަނަ މެޗްގައި ބައްދަލުކުރީ އދ ކުނބުރުދޫ ބަށި ޓީމާއި އއ ތޮއްޑޫ ސޯސަންމާ ބަށި ޓީމެވެ. މިމެޗް 26 ލަނޑު 1 ފޯލި/ 41 ލަނޑު 0 ފޯލިން ކާމިޔާބުކުރީ ކުނބުރުދޫ ބަށި ޓީމެވެ.

މުބާރާތުގައި ހޮނިހިރު ދުވަހުގެ ރޭ ކުޅުނު ފުރަތަމަ މެޗަކީ ފީއަލީ ޑިވޮލޮޕްމަންޓް ސޮސައިޓީގެ ޓީމާއި ފެއަރީ ކްޔީން ޓީމާއި ދެމެދު ކުޅެވުނު މެޗެވެ. އެމެޗު 14 ލަނޑު 11 ފޯލި/ 40 ލަނޑު 6 ފޯލިން ކާމިޔާބުކުރީ ފީއަލީ ޑިވޮލޮޕްމަންޓް ސޮސައިޓީގެ ޓީމެވެ.

ދެވަނަ މެޗަކީ ފީއަލި ޒުވާނުންގެ ރޫޙްގެ ޓީމާއި ވިދާތަރި ޓީމާއި ދެމެދު ކުޅެވުނު މެޗެވެ. އެމެޗު 29 ލަނޑު 9 ފޯލި/ 33 ލަނޑު 0 ފޯލިން ކާމިޔާބުކުރީ ވިދާތަރި ޓީމެވެ.

އާދީއްތަ ދުވަހު ހެނދުނު ކުޅުނު ފުރަތަމަ މެޗަކީ ގަލޮޅު ރަންކަނި ޓީމާއި ހުޅުމާލެ ވިމަންސް ސްޓާރގެ ޓީމާއި ދެމެދު ކުޅެވުނު މެޗެވެ. އެމެޗު 33 ލަނޑު 3 ފޯލި/ 36 ލަނޑު 0 ފޯލިން ކާމިޔާބުކުރީ ހުޅުމާލެ ވިމަންސް ސްޓާރގެ ޓީމެވެ.

ދެވަނަ މެޗަކީ ރުއްކުރި ޓީމާއި ނިޔު ސްޓާރ ސްޕޯޓްސް ކްލަބްގެ ޓީމާއި ދެމެދު ކުޅެވުނު މެޗެވެ. އެމެޗު 31 ލަނޑު 11 ފޯލި/ 35 ލަނޑު 1 ފޯލިން ކާމިޔާބުކުރީ ރުއްކުރި ޓީމެވެ.