ސޯޝަލް މީޑިއާތަކުގައި އެންމެ ބާރަށް ދައުރުވާ އެއް ޚަބަރަކީ ދުބާއީ ކަނޑުގެ އަޑީގައި އޮތް ދަލެއްގައި ޖެހި ތާށިވެފައި އިންމަހެއް ދުބާއީގެ ކްރައުން ޕްރިންސް ޝައިޚް ޚަމްދާން ބިން މުޙައްމަދު ރާޝިދު އަލްމަޚްތޫމަށް ޝުކުރު އަދާކުރި ވާހަކައެވެ.

ޚަމްދާނާއިއެކު ޑައިވިންގއަށް ދިއަ މީހުން ވީޑިއޯކޮށްފައިވާ މަންޒަރުތަކުން ފެންނަނީ ޚަމްދާން އެ މަސް މިނިވަން ކުރެއްވުމުން ދާން ނުއުޅެ ޚަމްދާންގެ ވަށައިގެން މަޑުމަޑުން ބުރުޖަހާތަނެވެ. އެހެންކަމުން މަންޒަރު ބެލުމަށްފަހު ގިނަ ބައަކު ބުނެފައިވަނީ މަސް ބުރުތައް ޖެހީ ޚަމްދާނަށް ޝުކުރު ދެންނެވުމުގެ ގޮތުން ކަމަށެވެ.

ޚަމްދާން އަރިހުގައި ޑައިވިންގއަށް ދިއަ އެކަކު ބުނީ 3 މީހުން ތިބީ އެކުގައި ކަމަށާއި ނަމަވެސް މަސް ބުރުޖެހީ ޚަމްދާންގެ ވަށައިގެން ކަމަށެވެ.