އުރީދޫ އިން އައިފޯން 7 އަދި 7 ޕްލަސް ތައާރަފްކޮށް ބާޒާރަށް ނެރެ ހިލޭ ޖެޓް ބްލެކް އައިފޯން7 ގެ ފޯނެއް ހޯދުމުގެ ފުރުޞަތު ހުޅުވާލައިފިއެވެ.

އުރީދޫ އިން އައިފޯނު 7 ގެ 2 ސީރީޒް ބާޒާރަށް ނެރުނީ މިއަދު ހެނދުނުއެވެ. އެއިރުވެސް އެތައް ސަތޭކަ ބައަކު ތިބީ ފޯނުގަތުމަށް ކިޔޫގައެވެ.

އުރީދޫން އައިފޯން 7 ވިއްކަނީ 13،899 ރުފިޔާ އާއި 17،899 ރުފިޔާ އާއި ދެމެދުގެ އަގުތަކަށެވެ. އައިފޯން 7 ޕްލަސް ވިއްކަނީ 16،399 ރުފިޔާ އާއި 20،499 ރުފިޔާ އާއި ދެމެދުގެ އަގުތަކަށެވެ.

މި ފޯނުތައް އިންސްޓޯލްމަންޓަށް ދޫކުރުމަށްވެސް ވަނީ ހަމަޖެހިފައެވެ. މަހަކު 899 ރުފިޔާ، 1،099 ރުފިޔާ އަދި 1،249 ރުފިޔާ ދައްކައިގެން އައިފޯން 7 ހޯދިދާނެއެވެ. މަހަކު 1،000ރުފިޔާ، 1،429 ރުފިޔާ، އަދި 1،449 ރުފިޔާ ދައްކައިގެން އައިފޯން 7 ޕްލަސް ހޯދިދާނެއެވެ.

ކޮންމެ ޕެކޭޖަކަށްވެސް 2،999 ރުފިޔާ ކުރިއަށް ދައްކަން ޖެހެއެވެ. ޕެކޭޖުގެ އަގުތައް ތަފާތުވެފައިވަނީ އެއިގައި ހިމެނޭ ޑާޓާގެ ނިޞްބަތުންނެވެ.

އުރީދޫން މިއަދު ބުނީ ކުރިއަށް އޮތް 3 ދުވަސްތެރޭގައި އުރީދޫގެ ފޭސްބުކްޕޭޖަށް ވަދެ އައިފޯން ގަތުމަށް އުރީދޫ ޚިޔާރުކުރި ސަބަބު ބަޔާންކުރުމުން ބައިވެރިންގެ މެދުގައި ގުރުއަތުލައި ހޮވޭ ފަރާތަކަށް ހިލޭ ޖެޓް ބްލެކް އައިިފޯން7 ގެ ފޯނެއް ހޯދުމުގެ ފުރުޞަތު ހުޅުވާފައިވާ ކަމަށެވެ.