އުމުރާގެ އަޅުކަން ފުރިހަމަކުރުމަށްފަހު މަދީނާއިން އެނބުރި އައިމަގުމަތީގައި ކާރު އެކްސިޑެންޓްވެ އާއިލާގެ 5 މީހުން އެކުގައި މަރުވެއްޖެއެވެ.

މަރުވީ އޮމާންގެ ޢާއިލާއެއް އެކުގައެވެ. 3 ދަރިންނާއި މަންމަ އާއި ބައްޕައެވެ. ބެލެވޭ ގޮތުން އެއީ އަލްއަންސީރީ ދަރިކޮޅުގެ ބައެކެވެ.

މިއެކްސިޑެންޓްގައި ސީރިއަސް އަނިޔާތަކެއް ލިބުނު 3 މީހަކަށް ދަނީ ހޮސްޕިޓަލުގައި ފަރުވާ ދެމުންނެވެ. އެކްސިޑެންޓް ހިނގާފައިވަނީ އަލްހިޤްރާ ރޯޑްގައެވެ.

ހައްޖާއި އުމުރާގެ ދަތުރުތަކުގައި މިފަދަ ހާދިސާތައް ހިނގަން މެދުވެރިވާ އެއް ސަބަބަކީ ޑްރައިވަރުން ދަތުރުމަތީގައި ނިދިޖެހުމެވެ. ދެވަނަ ސަބަބަކީ ކޮންޓްރޯލް ނުކުރެވޭ ވަރަށް ބާރު ސްޕީޑްގައި ދުއްވުމެވެ.