އައިލެންޑަރސް ފުޓްސަލް ޗެލެންޖުގެ މިއަދުގެ މެޗތައް ޑިސީޖޭ އާއި ބިޒީ ބޯއީސް ކާމިޔާބުކޮށްފިއެވެ.

މ. އަތޮޅު ދިއްގަރުގައި ކުރިޔަށްދާމި މުބާރާތުގައި އެފްސީ ރިއޯ އާއި ވާދަކޮށް ބިޒީ ބޯއީސް މެޗު ކާމިޔާބު ކުރީ 4 ލަނޑު 1 ލަނޑުންނެވެ. އަދި އަސަރުބީ އާއި އެފްސީ ބާޒް ބައްދަލު ކުރިމެޗު ފޯރިގަދަ ކުޅުމަކަށް ފަހު މެޗު ނިމިފައި ވަނީ ދެ ޓީމު 2-2 ންއެއްވަރުވެގެންނެވެ. މުބާރާތުގެ ފަސް ވަނަ މެޗުގައި ޖަމިއްޔަތުލް ކޮވިގޯނި އާއި ބައްދަލުކޮށް އެފްސީއެން މެޗު ކާމިޔާބު ކުރީ 4-2 ގެ ނަތީޖާއަކުންނެވެ.

ޓީމް ފްރޮމް މާސް ފުޓްބޯލް ކުލަބުން އިންތިޒާމްކޮށްގެން ބާއްވާ މިމުބާރާތަކީ މެދު ރާއްޖެތެރޭގައި ބާއްވާ އެންމެ ބޮޑު ފުޓްސަލް މުބާރާތެވެ.

އަންނަ ހުކުރު ދުވަހުގެ ނިޔަލަށް ކުރިޔަށްދާ މިމުބާރާތް 4 ގްރޫޕަކަށްބަހާލައިގެން ކުރިޔަށްގެންދާއިރު ކޮންމެ ގްރޫޕަކުންވެސް އެންމެ މޮޅު ދެޓީމު ކުއާޓަރ ފައިނަލަށް ދަތުރުކުރާނެއެވެ. މިއަހަރުގެ ޗެމްޕިއަން ޓީމަށް 35،000 ރުފިޔާ އަދި ރަނަރަޕް ޓީމަށް 10،000 ރުފިޔާގެފައިސާގެ އިނާމެއް ދިނުމަށް ވަނީ ނިންމާފައެވެ.