އިންޑިއާގައި އުޅޭ ލަވަކިޔާމީހާ ސޯނޫ ނިގަމް ބަންގިއަށް ފުރައްސާރަކުރުމުން އަމިއްލަ އަތަށް ގޮވައިފިއެވެ.

ސޯނޫ ނިގަމް ޓްވީޓްކޮށް ބުނެފައިވަނީ ބަންގިއަކީ ދީނީ މަޖުބޫރުކުރުމެއް ކަމަށާއި އޭނާއަކީ މުސްލިމެއް ނޫން ކަމަށްވާއިރު ބަނގީގެއަޑަށް ފަތިހު ހޭލަންޖެހޭތީ ކަންބޮޑުވާ ކަމަށެވެ. އަދި އިންޑިއާގައި އެކަން ނިމޭނީ ކޮން އިރަކުންތޯ ވެސް ސޯނޫ ނިގަމް ވަނީ ސުވާލު އުފައްދައިފައެވެ.

God bless everyone. I'm not a Muslim and I have to be woken up by the Azaan in the morning. When will this forced religiousness end in India

— Sonu Nigam (@sonunigam) April 16, 2017

ސޯނޫ ނިގަމް މިމޭރުމުން ސުވާލުކޮށްފައިވާއިރު ބަންގީގެ އަޑު އިވެނީ 5 މިނިޓެއްހައިއިރުއެވެ. ފަތިހު 4 ޖެހީންސުރެ އިރުއަރައި ،7 8 ޖަހަންދެން ހިންދީންގެ ފައްޅިތަކުގެ އަޑެއް ނުކެނޑެއެވެ. ރަނގަބީލު ޖަހާއަޑާއި ލައުޑުތަކުން އެކިޔާ އެއްޗެއް ކިޔާ އަޑެވެ.

މިމައްސަލައިގައި ގިނަ ބައަކު ދަނީ ސޯނޫ ނިގަމަށް ފާޑުކިޔަމުންނެވެ، "އަހަރެންނަކީ ހިންދޫއެއް ނޫން. އަހަރެންނަށް ގެރިމަހެއް ނުކެވޭ. މި މުޞީބާތުން އިންޑިއާ ސަލާމަތްވާނީ ކޮންއިރަކުން؟" ތޯ ވެސް މީހުން ދަނީ ސުވާލުކުރަމުންނެވެ.

God bless everyone. I'm not a Hindu but I'm not allowed to eat beef. When will this forced religiousness end in India? https://t.co/tp1vyOoh5v

— Err (@Errendous) April 17, 2017

އިންޑިއާގެ އާބާދީއަށް ބަލާއިރު މުސްލިމުންގެ އާބާދީއަކީ 14 އިންސައްތައެވެ. ނަމަވެސް މިއީ މުޅި ސައުދިއަރަބިޔާގެ އާބާދީއަށްވުރެ އަދަދުގެ ގޮތުން ގިނަ އަދަދެކެވެ. 2050 ވަނަ އަަހަރު އިންޑިއާގެ މުސްލިމުންގެ އަބާދީ ވާނީ މުސްލިމުންގެ އެންމެ ބޮޑު އާބާދީއަށް ކަމަށް މިހާރުވެސް ވަނީ ބެލެވިފައެވެ.

އެހެންކަމުން އިންޑިއާ ފަދަ ޤައުމެއްގައި މުސްލިމުންނަށް މިފަދަ ފުރައްސާރަތައް ކުރުމުން ހެޔޮ ވިސްނޭ އެހެން ދީންތަކުގެ މީހުންވެސް ހައްޤުބަސް ބުނާނެކަން ސޯނޫ ނިގަމަށް ނުވިސްނުނީއެވެ.