70% ރައްޔިތުން ރޯދަ ނުހިފާ ރަށެއް ރާއްޖޭގަ އެބައޮތް- ނަރަކައިގެ އަލިފާނަށް ބިރުވެތިވޭ!: ޝައިޚް ޢަލީ ޒައިދު
70% ރައްޔިތުން ރޯދަ ނުހިފާ ރަށެއް ރާއްޖޭގަ އެބައޮތް- ނަރަކައިގެ އަލިފާނަށް ބިރުވެތިވޭ!: ޝައިޚް ޢަލީ ޒައިދު
އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 22 ސިކުންތު
70% ރައްޔިތުން ރޯދަ ނުހިފައި ކައްކާ ކައި ހަދާ ރަށެއް މި ސައްތައިން ސައްތަ ދިވެހިރާއްޖޭގައި އެބައޮތް ކަމަށާއި އެއީ ނަރަކައިގެ އަލިފާނަށް ބިރުވެތިވާންޖެހޭނެ ކަމެއް ކަމަށް އައްޝައިޚް ޢަލީ ޒައިދު ވިދާޅުވެއްޖެއެވެ.
ވިޔަފާރިވެރިންގެ މިސްކިތުގައި މިއަދުގެ އަޞްރުނަމާދަށްފަހު ދަރުސް ދެއްވަމުން ޝައިޚް ޢަލީ ޒައިދު ވިދާޅުވީ ދެކުނަށް ކުރެއްވި ދަތުރުފުޅެއްގައި އެރަށަށް ވަޑައިގަތުމުން އެރަށުގެ މީހުންގެ ތެރެއިން 70% ރައްޔިތުން ރޯދަ ނުހިފާކަމާއި ޢާންމު މަހެއް ފަދައިން ކައްކާ ކައިބޮއިހަދާކަމުގެ މައުލޫމާތު ލިބިވަޑައިގަތުމުން ވަރަށް ބޮޑު ހައިރާންކަމެއް ލިބިވަޑައިގެންނެވި ކަމަށެވެ.
"އަޅުގަނޑު ސުވާލުކުރިން ތިއަ ދައްކަނީ ޕާޓޭންނޭ މިކިޔާ މީހުންގެ ވާހަކަތޯ ނޫނީ ހަމަ އާންމު ރައްޔިތުންގެ ވާހަކަތޯ. އެމީހުން ބުނީ ހަމަ ހުރިހާ އުމުރެއް ހިމެނޭ ގޮތަށް ރަށުގެ އާބާދީގެ 70 އިންސައްތައިގެ މީހުންގެ ވާހަކަކަމަށް އެދައްކަނީ. އަދި އެއީ މީގެ އެތައް އަހަރެއް ކުރިންސުރެ އެރަށުގައި އެކަން އޮންނަ ގޮތް ކަމަށް."
ޝައިޚް ޢަލީ ޒައިދު ވިދާޅުވީ މާތް ﷲ އަށް މިފަދަ ބޮޑެތި އުރެދުންތައް އުރެދޭ މީހުން ނަރަކައިގެ ހޫނު އަލިފާނަށް ބިރުވެތިވާންޖެހޭނެ ކަމަށެވެ.
"ދުނިޔެ މަތީގައި މިގެންގުޅޭ އަލިފާނަކީ ނަރަކައިގެ އަލިފާނަށް ބަލައިފިނަމަ 70 އިންސައްތަ ފިނި ކުރެވިފައިވާ އަލިފާން. އެކަމަކުވެސް އަނބިމީހާ ކައްކާއިރު އުނދުންކައިރިއަށް ގޮސް ނިކަން އަލިފާނުގައި އިނގިލިކުރި ޖައްސާލަބަލަ. ދެން ވިސްނާލަބަލަ އެއިގެ 70 މިން އިތުރަށް ހޫނު ނަރަކައިގައި ތިމާގެ ހަށިގަނޑު އޮންނައިރު ކުރަންޖެހޭނެ އިހްސާސް."
ޝައިޚް ޢަލީ ޒައިދުވަނީ ނަރަކައިގައި ހުރި ގަދަފަދަ އަޛާބާއި ސުވާރުގޭގައި ހުރި މަތިވެރި ނިއުމަތްތަކުގެ ވާހަކަތައް ބަޔާންކޮށްދެއްވަވައިފައެވެ.
ޚަބަރާއިގުޅޭ އިތުރު ލިޔުންތައް
އަބްދުއްލަތީފް
27 މެއި 2017
ޜީީ 2017-05-27 18:00:12