މިއަހަރުގެ ފިޠުރު ޢީދުގެ ބަންދުގައިވެސް އާސަންދަ އޮފީހުގެ ކޯލް ސެންޓަރ ހުޅުވާފައި ހުންނާނެ ކަމަށް އެ އާސަންދަ ކޮމްޕެނީން ބުނެފިއެވެ.

ފިތުރު އީދު ބަންދު ތެރޭގައި އާސަންދަ އޮފީހުގެ ކައުންޓަރު ހުޅުވާފައި ހުންނާނެ ގަޑިތަކާއި ބެހޭގޮތުން މަޢުލޫމާތު ދެއްވަމުން އެ އޮފީހުގެ މީޑިއާ އޮފިސަރ ޢާޝިޔާ ސާލިޙް ވިދާޅުވީ ފިޠުރުޢީދު ބަންދުގައިވެސް އާސަންދަ އޮފީހުގެ ކޯލް ސެންޓަރ ހުޅުވާފައި ހުންނާނެ ކަމަށެވެ.

ދިވެހި ހުރިހާ ރައްޔިތުންނަށް އިންޝުރެންސްގެ ޚިދުމަތްދޭ ސަރުކާރު ކުންފުނީގެ މީޑިއާ އޮފިސަރ ވިދާޅުވީ ފިޠުރު އީދު ބަންދުގެ ތެރެއިން މިމަހުގެ 28 އަދި 29 ވަނަ ދުވަހު އެ އޮފީސް ހުޅުވާނެ ކަމަށެވެ. އަދި ޚިދުމަތް ދޭނީ އެ ދެ ދުވަހުގެ ހެނދުނު 10:00 އިން މެންދުރު ފަހު 14:00 އަށް ކަމަށެވެ.