ފިޠުރު ޢީދުގެ މުނާސަބަތުގައި ރައީސުލްޖުމްހޫރިއްޔާގެ ދެކަނބަލުން ޢީދު ސަލާން ކުރައްވައިފިއެވެ.

ޢީދު ސަލާން ކުރެއްވުން ކުރިއަށް ގެންދެވީ މިއަދު ހެނދުނު ދަރުބާރުގޭގައެވެ.

ގިނަބައަކު އެމީހުންގެ ޢާއިލާގެ މެންބަރުންނާއިއެކު ވަނީ ރައީސުލްޖުމްހޫރިއްޔާގެ ދެކަނބަލުންނާއި ޢީދު ސަލާންކޮށްފައެވެ. ރައްޔިތުންގެ ގިނަ ބައެއްގެ އިތުރުން ރާއްޖޭގައި ތިއްބެވި ބޭރުގެ ޑިޕޮލޮމެޓުންވެސް ވަނީ ޢީދު ސަލާންކުރައްވާފައެވެ.

ފިޠުރު ޢީދު ދުވަހުގެ މުނާސަބަތުގައި ރައީސް ޔާމީން ރޭ ފޮނުއްވެވި ޚިޠާބުގައި އެމަނިކުފާނު ވަނީ ޢީދަކީ އެކަކު އަނެކަކަށް ހިތްހެޔޮކޮށް ސަލާންކުރާ އަދި ނިކަމެތިންނަށް އެހީތެރިވެދޭ ދުވަހަކަށް ހެދުމަށް އިލްތިމާސްކުރައްވާފައެވެ.