މަގުމަތީގެ ސަލާމަތާއި ރައްކާތެރިކަމާ ގުޅޭގޮތުން ފުވައްމުލަކު ސިޓީގެ ހާފިޒު އަޙްމަދު ސްކޫލުގެ ސްކައުޓުންނަށް މަޢުލޫމަތު ދީފިއެވެ.

އޮގަސްޓް މަހުގެ 19 ވަނަ ދުވަހު ކުރިއަށް ގެންދިޔަ މަޢުލޫމާތު ދިނުމުގެ ސެޝަންގައި ވަނީ މަގުމަތީގެ ސަލާމަތާއި ރައްކާތެރިކަމުގެ ގޮތުން އެޅިދާނެ ފިޔަވަޅުތަކާއި މަގުމަތީގެ އުޅޭއިރު ސަމާލުކަން ދޭންވީ ކަންކަމާއި ޓެރެފިކް މައްސަލަތަކާ ގުޅޭގޮތުންނެވެ. މީގެއިތުރުން މި ސެޝަންގައި ވަނީ އެއްގަމު ދަތުރު ފަތުރުގެ ޤާނުނާއި ޤަވާއިދާ ގުޅޭގޮތުންވެސް މަޢުލޫމާތު ދީފައެވެ.

މި ސެޝަނަކީ ހާފިޒު އަޙްމަދު ސްކޫލުގެ އެދުމުގެ މަތިން ކުރިއަށް ގެންދިޔަ ސެޝަނެކެވެ. މި ސެޝަންގައި 54 ސްކައުޓުން ބައިވެރިވެފައިވާއިރު މި ސެޝަންގައި މަޢުލޫމާތު ދީފައިވަނީ ފުވައްމުލަކު ޕޮލިސް ސްޓޭޝަނުގައި މަސައްކަތްކުރާ ފުލުހުންނެވެ.

ޙަބަރު ޕޮލިސް