ރޮހިންޔާގެ މުސްލިމުންނަށް ދީނީ ފަތުވާދޭތީ ރޮހިންޔާ މުސްލިމުންގެ އިލްމުވެރިންގެ ޖަމާއަތެއްގައި ހިމެނޭ 10 އިލްމުވެރިންގެ ދޫ ބުރިކޮށް ޝަހީދުކުރިއެވެ.

ރޮހިންޔާ މުސްލިމުންގެ ތެރޭގައި ޓެރަރިސްޓުން ތިބިކަމަށް ދަގަނޑު ސޫކީގެ ސަރުކާރުން އެބުނަނީ މިއަނިޔާވެރި އަމަލާއި ދެކޮޅަށް ބައަކު ނުކުތުމުންނެވެ.

އެއްވެސް ދީނެއްގެ ބައެއްގެ މެދުގައި އެމީހުންގެ ދީން ފަތުރައި ކުރިއަރުވަން މަސައްކަތްކުރުމަކީ ކުށެއް ކަމަށް ބަޔާންކުރާ ޤާނޫނެއް ދުނިޔޭގެ އެއްވެސް ޤައުމެއްގައި ނުއޮވެއެވެ. އަދި އެފަދަ ޤާނޫނެއް ދުނިޔޭގެ އެއްވެސް ޖަމާއަތަކުން ފާސްކޮށްފައެއްވެސް ނުވެއެވެ.

ކަންކަން މިހެން އޮތް ނަމަވެސް މިޔަންމާގެ ވެރިކަމުގައި ހުރި ދަގަނޑު ސޫކީގެ ސަރުކާރުގެ އަމަލުތައް ވަރަށް ތަފާތެވެ. ރޮހިންޔާ މުސްލިމުންނަށް އެއްވެސް އިލްމެއް ލިބުމަކީ މަނާ ކަމެކެވެ. އެގޮތުން ދީނީ އިލްމު އުނގެނުންވެސް ވަނީ މަނާކޮށްފައެވެ.

އދ އާއި އެހެން ޖަމާއަތްތަކުންވެސް ބާރު އަޅަނީ ތައުލީމު ލިބުމަށެވެ. އިންސާނުންނަށް ތައުލީމުދީ ކުރިއެރުވުމަށެވެ. އެހެންކަމުން ދަގަނޑު ސޫކީގެ ނިންމުމަކީ އެއްވެސް ގޮތަކުން ބަލައި ގަނެވޭނެ ކަމެއް ނޫނެވެ.