ކުޑަކުދިންނަށް ރައްކާތެރިކަން ފޯރުކޮށްދިނުމަށް ޤާއިމުކޮށްފައިވާ މަރުކަޒުތައް ހިންގުމަށްއިތުރު ފުރުސަތުތައް ތަނަވަސް ކޮށްދޭންޖެހޭ ކަމަށް އެޗްއާރްސީއެމް އިން ބުނެފިއެވެ.

އެ ކޮމިޝަނުން ބުނީ އެ މަރުކަޒުތައް ހިންގުމަށް ބޭނުންވާ ބަޖެޓާއި ވަސީލަތްތައް އިތުރުކޮށްދޭން ޖެހޭ ކަމަށެވެ. އަދި އެތަންތަނުގައި މަސައްކަތްކުރާ މުވައްޒަފުންނަށް ކަމާގުޅުންހުރި ދާއިރާތަކުން ތަޢުލީމާއި ތަމްރީން ލިބޭނެ އިތުރު ފުރުޞަތުތައްވެސް ތަނަވަސް ކޮށްދޭންޖެހޭ ކަމަށެވެ.

މީގެ އިތުރުން މަސްތުވާތަކެތި ބޭނުންކުރާ ކުޑަކުދިންނާއި އެހެނިހެން ކުށްތަކަށް ހުށަހެޅޭ ކުޑަކުދިން ރިހެބިލިޓޭޓްކޮށް ހަރުދަނާ ޒުވާނުންގެ ގޮތުގައި މުޖުތަމަޢުއަށް އަނބުރާ ގެނައުމަށް ކުރަމުންދާ މަސައްކަތް އިތުރަށް ފުޅާކުރުމަކީވެސް ވަރަށް މުހިންމުކަމެއްކަމަށް އެޗްއާރްސީއެމް އިން ބުންޏެވެ.