އެމެރިކާ ކޯލިޝަނުން ބޮން އަޅައި ސީރިޔާގެ ޢާންމުންގެ އިތުރު 23 މީހުން މަރާލައިފިއެވެ. ރޭ ބޮން އަޅާފައިވަނީ ދެއިރު އިއްޒޯރުގެ ބައެއް ސަރަހައްދުތަކަށެވެ.

ރިޕޯޓްތައް ބުނާގޮތުން މަރުވެފައިވާ ޢާންމުންގެތެރޭގައި 6 އަންހެނުންނާއި 8 ކުޑަކުދިން ހިމެނެވެ. މިއެންމެންނަކީވެސް ސަލާމަތްކަން ހޯދުމަށްޓަކައި އެއް ގެއެއްގައި ނިދާފައި ތިބި ބައެކެވެ.

އެމެރިކާ ކޯލިޝަނުން ބޮން އަޅައި އެތައް ހާސް މީހުން މަރާފައިވީ ނަމަވެސް ކޯލިޝަނުން ބުނަނީ މަރުވީ ޢާންމުންގެ އެންމެ 801 މީހުން ކަމަށެވެ. މިއަދަދު އެއްވެސް ފަރާތަކުން ޤަބޫލެއް ނުކުރެއެވެ.

އެމެރިކާ ކޯލިޝަނުން ބުނީ ރޭ ވެސް ހަމަލާދިނީ ޑައޭޝްގެ ހަނގުރާމަވެރިންނަށް ކަމަށެވެ. މިއީ މިފަދަ ކޮންމެ އަނިޔާވެރި ހަމަލާއަކާއި ގުޅިގެން ކޯލިޝަނުން ބުނާ ޢާންމު ބަހެކެވެ.