ހުޅުމާލެ ފްލެޓެއްގެ ވައިގޮޅިން ބިދޭސީއަކު ވެއްޓި އަނިޔާވެއްޖެއެވެ.

އަނިޔާވި ބިދޭސީ ފިރިހެން މީހާ މިހާރު ދަނީ ހުޅުމާލެ ހޮސްޕިޓަލުން ފަރުވާދެމުންނެވެ. ހުޅުމާލެ ހޮސްޕިޓަލް ހިންގާ އާސަންދަ ކުންފުނިން މައުލޫމާތު ދިން ގޮތުގައި އަނިޔާވި މީހާ އެ ހޮސްޕިޓަލަށް ގެނެސްފައިވަނީ މިއަދު ހެނދުނު 11:00 ހާއިރުކަމަށާއި އޭނާގެ ހާލަތު ވަރަށް ސީރިއަސް ކަމަށެވެ.

މައުލޫމާތު ލިބިފައިވާ ގޮތުގައި، އަނިޔާވި ބިދޭސީ މީހާގެ މޭ ކަށިގަނޑާއި އަތުގައިވަނީ ރެދެއް ލައިފައެވެ.

އާސަންދަ ކުންފުނިން މައުލޫމާތު ދިން ގޮތުގައި އިތުރު ފަރުވާއަށް މިއަދު މެންދުރު ފަހު 13:30 ހާއިރު އޭޑީކޭ ހޮސްޕިޓަލަށް ގެނެސްފައިވާކަމަށާއި އޭޑީކޭއަށް ގެނައިއިރު އެ މީހާ ހުރީ ކޯމާއެއްގައި ކަމަށެވެ.