މިދިއަހަރުގެ މާޗް މަހަށްވުރެ މިއަހަރުގެ މާޗް މަހު ރާއްޖެ ޒިޔާރަތްކުރި ފަތުރުވެރިންގެ އަދަދު 18.5 އިންސައްތަ އިތުރުވެއްޖެއެވެ.

ޓޫރިޒަމް މިނިސްޓްރީގެ ތަފާތު ހިސާބުތައް ދައްކާ ގޮތުން، މިދިޔަ މަހު ރާއްޖެއަށް 133،466 ފަތުރުވެެރިން ޒިޔާރަތްކޮށްފައިވެއެވެ. 2017 ވަނަ އަހަރުގެ މާޗްމަހު ރާއްޖެ ޒިޔާރަތްކޮށްފައިވަނީ 112،665 ފަތުރުވެރިންނެވެ.

މިދިޔަ މަހު ރާއްޖެ ޒިޔާރަތްކުރި ފަތުރުވެރިންގެ 11 އިންސައްތަ ހިއްސާކުރަނީ ޖަރުމަނުގެ ފަތުރުވެރިންނެވެ. އެގައުމުން 14،692 ފަތުރުވެރިން ރާއްޖެ ޒިޔާރަތްކޮށްފައިވެއެވެ. މިދިޔަ މަހު ޗައިނާއިން ރާއްޖެއަށް 13،203 ފަތުރުވެރިން ޒިޔާރަތްކުރިއިރު އިޓަލީން 13،198 ފަތުރުވެރިން ރާއްޖެ ޒިޔާރަތްކޮށްފައިވެއެވެ.

މިދިޔަ މަހު އެންމެ ގިނަ ފަތުރުވެރިން ރާއްޖެއަށް ޒިޔާރަތްކުރި ގައުމުތަކުގެ ތެރޭގައި ޖަރުމަނު، އިޓަލީ، ޗައިނާ ހިމެނެއެވެ.