ރާއްޖޭގެ ފުރަތަމަ އިސްލާމިކް މިނިސްތަރ ޑރ. އަބްދުލް މަޖީދު އަބްދުލް ބާރީގެ ޖަނާޒާ މާދަމާ މެންދުރު ނަމާދަށް ފަހު އަވައްޓެރި ސްރީލަންކާގެ ބޭއްވުމަށް ހަމަޖެހިއްޖެ އެވެ.

ޑރ. އަބްދުލް މަޖީދުގެ ޖަނާޒާ މާދަމާ ލަންކާގެ ޖާވައްތަ ޖުންމާ މިސްކިތުގައި ބޭއްވުމަށް ހަމަޖެހިފައިވާއިރު މޫނު ދެއްކުން ހެނދުނު 10:00 އަކުން ފެށިގެން އެ މިސްކިތުގައި ކުރިޔަށް ދާނެ އެވެ.

ޝްރީލަންކާގައި ހުންނަވަނިކޮށް ސްޓްރޯކެއް ޖެހިވަޑައި ގަތުމާ ގުޅިގެން ޑރ. މަޖީދު ލަންކާގެ ހޮސްޕިޓަލެއްގެ އައިސީޔޫގައި ފަރުވާ ދޭން ފެށީ މިދިޔަ ހުކުރު ދުވަހުއެވެ. އެމަނިކުފާނު އަވަހާރަވީ ހާލުކޮޅު ބޮޑުވުމުގެ ސަބަބުން ވެންޓިލޭޓަރުގައި ފަރުވާ ދެމުން ދަނިކޮށް މިއަދުއެވެ.