މިއަދުގެ ރެސިޕީ: ޗިކަން ޗީޒް ރޯލްސް

އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 8 ސިކުންތު

ބޭނުންވާނެ ތަކެތި:

• ބޯންލެސް ޗިކަން (ކަށިނެތް ކުކުޅު)
• ލޮނު
• އަސޭމިރުސް (މުގުރާފަ)
• ސްޓްރިންގ ޗީޒް (މޮޒަރެއްލާ ޗީޒް ވެސް ބޭނުން ކުރެވިދާނެ)
• ގޮދަން ފުށް
• ބިސް (ރޯލްސްގެ ބޭރުގައި ހާކަން ބޭނުންވާނެ ވަރަށް)
• ފާރޮށި ކުނޑި
• ތެޔޮ

ތައްޔާރު ކުރާނެ ގޮތް:

• އެންމެ ފުރަތަމަ ބޯންލެސް ޗިކަން، ރޯލްސް ހަދަން އޮޅާލެވޭ ގޮތަށް، ފަހަރު ބައެއް މެދުން ކަފާލާށެވެ.
• ދެން ކުކުޅުކޮޅުގެ މަތީގައި ކުޑަ ލޮނުކޮޅަކާއި އަސޭމިރުސް ކޮޅެއް ހާކާލާށެވެ.
• ދެން ސްޓްރިންގ ޗީޒް ނުވަތަ މޮޒަރެއްލާ ޗީޒް ފޮތިފޮތިކޮށް ކޮށާލާފައި، އޭގައި ގޮދަން ފުށް ކޮޅެއް ހާކާލާށެވެ.
• އެއަށްފަހު ޗީޒްކޮޅު ފަހަރަކު ކުކުޅުކޮޅެއްގެ ތެރެއަށްލާފައި ރޯލްސް ހަދާގޮތަށް އޮޅާލާށެވެ.
• ދެން އެހެން ތައްޓަކަށް ބިސް ތުއްވާފައި، އެންމެ ފުރަތަމަ ޗީޒްއެޅި ކުކުޅުކޮޅުގެ ބޭރުގައި ގޮދަން ފުށް ހާކާށެވެ. އެއަށްފަހު އޭގެ ބޭރުގައި ބިސް ހޭކުމަށްފަހު، ފާރޮށި ކުނޑި ވެސް ހާކާށެވެ.
• ތަވާއަކަށް ތެޔޮ އެޅުމަށްފަހު ފާރޮށިކުނޑި ހޭކުނު ކުކުޅުކޮޅު ތެއްލާލާށެވެ. ޗިކަން ޗީޒް ރޯލް ތައްޔާރުވީއެވެ.

މިއީ ޗިކަން އެންޑް ޗިޕްސް ގެ ބަދަލުގައި, ފްރެންޗް ފްރައީސް އާއިއެކު ކާލަން މީރު ކެއުމެކެވެ.

ކޮމެންޓް ކުރެއްވުމަށް

މި ވަގުތު އެއްވެސް ކޮމެންޓެއް ކިޔުންތެރީން ފާޅުކޮށްފައި ނެތް.

މަރިޔަމް ވަހީދާ