ދިވެހި ސަރުކާރުން އިސްނަގައިގެންރާއްޖެ އާއި ސިންގަޕޫރު އާ ދެމެދު "ޑަބަލް ޓެކްސް އެވޮއިޑެންސް" އެއްބަސްވުމެއް އެކުލަވައިލުމާބެހޭ މަޝްވަރާތަކުގެ ފުރަތަމަބުރު ބުރާސްފަތި ދުވަހު ނިންމައިފިއެވެ.

މިރާއިން ބުނީ މި މަހުގެ 9 އިން 12 އަށް ކުރިއަށް ގެންދެވުނު މި މަޝްވަރާތަކުގައި ރާއްޖެ ތަމްސީލުކޮށްފައިވަނީ މީރާއިން ކަމަށެވެ. ރާއްޖޭގެ ވަފުދުގެ ވެރިއަކީ ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަން، ހަސަން ޒަރީރެވެ.ސިންގަޕޫރު ތަމްސީލުކޮށްފައިވަނީއިންލަންޑް ރެވެނިއު އޮތޯރިޓީ އޮފް ސިންގަޕޯ އިންނެވެ. ސިންގަޕޫރުގެ ވަފުދުގެ ވެރިއަކީ ޑެޕިއުޓީ ކޮމިޝަނަރ، ޗިއާ-ޓަރން ހުއޭ މިންއެވެ.

"ޑަބަލް ޓެކްސް އެވޮއިޑަންސް" އެއްބަސްވުމެއް އެކުލަވާލެވުމުން، ދެ ގައުމުގެ ވިޔަފާރިތަކުގެ މެދުގައި ކުރެވޭ މުޢާމަލާތްތަކުން އެއް އާމްދަނީއަކުން ދެ ފަހަރަށް ޓެކްސް ކުރުން ހުއްޓުމަކަށް ގެނެވި، ދެ ގައުމުގެ މެދުގައި ޓެކުހާގުޅޭ މަޢުލޫމާތުތައް ބަދަލުކުރުމަށް މަގު ފަހިވެގެންދާނެއެވެ.