މިޔަންމާގެ ވެރިކަމުގައި ހުރި ދަގަނޑު ސޫކީގެ ހުރަސްތަކާހުރެ ރާކިން ސްޓޭޓްގެ މުސްލިމުންނަށް ކުރި އަނިޔާތަކުގެ މައްސަލަ ބަލާ ކޮމިޓީގެ އިސް އެޑްވައިޒަރު އިސްތިއުފާ ދީފިއެވެ.

ކުރީގެ ޕާލަމެންޓް މެންބަރު، އެމްބެސެޑަރު ކޮބްސަކް ޗުޓިވުލް ބުނީ މައްސަލަ ބަލަން ސޫކީ އިތުރު ކޮމިޓީތައް އުފައްދަމުން ގެންދާ ކަމަށާއި އެ ކޮމިޓީތަކުގެ ސަބަބުން މައްސަލަ ބަަލަން ދަނީ އިތުރު ހުރަސްތައް ކުރިމަތިވަމުން ކަމަށެވެ. މިހާރު ހުރި ހުރަސްތަކަށްވުރެ ވުރެވެސް ކޮމިޓީތަކުގެ ހުރަސްތައް ގިނަ ކަމަށެވެ.

ދަގަނޑު ސޫކީ ގެންދަނީ ހިންގި ބޮޑުޖަރީމާ ފޮރުވަން ކުރެވެން އޮތް ހުރިހާ ކަމެއް ކުރަމުންނެވެ. ދުނިޔޭގެ ފިއްތުންތަކަށް ކެތް ނުކުރެވިގެން މައްސަލަ ބަލާ ކަމަށް މަންޒަރު ދައްކަން މަސައްކަތްކުރި ނަމަވެސް ދަގަނޑު ސޫކީ ބޭނުންވަނީ 700،000 ލައްކަ މުސްލިމުންނަށް ކުރި އަނިޔާތައް އެއީ ނުވާ ކަންކަމަށް ހެދުމަށެވެ.