ޢީދު ދުވަހު އުޟްޙިޔާ ކަތިލުމަކީ ސުންނަތްތަކުގެ ތެރެއިން އިތުރުކަން ބޮޑު އަދި ގަދަވެގެންވާ ސުންނަތެކެވެ. ﷲ ތަޢާލާގެ ޙަޟްރަތުގައި މަތިވެރިވެގެންވާ އަޅުކަމެކެވެ. އުޟްޙިޔާ ކަތިލުމުގެ މުހިންމުކަމަށް ނިކަން ވިސްނައިލަބަލާށެވެ!

"ފަހެ ކަލޭގެފާނުގެ ވެރި ރަސްކަލާނގެއަށް ކަލޭގެފާނު ނަމާދު ކުރައްވާށެވެ! އަދި ޤްރްބާން ކުރައްވާށެވެ!" (ސޫރަތުލްކައުޘަރު -2)
މިއީ ކީރިތި ޤްރްއާނުގައި ﷲ ތަޢާލާ ބަޔާންކުރައްވަވާފައިވާ އާޔަތެކެވެ. ސޫރަތުލްކައުޘަރުގެ 2 ވަނަ އާޔަތެވެ. ﷲ ތަޢާލާއަށް ނަމާދުކުރަން އަމުރުފުޅު ކުރެއްވެވުމާއި ވިދިގެން އަމުރުފުޅު ކުރައްވަވާފައި އެވަނީ ޤްރްބާން ކުރުމަށެވެ.

ރާއްޖޭގައި ބަކައްޓެއް ކަތިލާނަމަ 6،000 ރުފިޔާވަރު ޚަރަދުކުރަންޖެހެއެވެ. ބަލަންވީ ބަކަރީގެ އަގަކަށް ނޫނެވެ. މިމަތިވެރި އަޅުކަމުން ލިބޭނެ މަތިވެރި ސަވާބަށެވެ. ރާއްޖެއިން ބޭރުގައި ކަތިލާނަމަ މިއަށްވުރެ ހެޔޮ އަގުގައިވެސް އެކަން ކުރެވޭނެ މަގުތައް މިއަދު އޮތީ ފަހިވެފައެވެ.

- މިއަދުގެ ޢަޞްރު ނަމާދަށްފަހު ވިޔަފާރިވެރިންގެ މިސްކިތުގައި އައްޝައިޚް މުޙައްމަދު ޠައްޔިބް ދެއްވި ދަރުސުން