މާލެ މިހާރު ވަނީ ވެހިކަލްތަކުން ތޮއްޖެހިފައި ކަމަށާއި ޕާކުކުރާނެތަން ހަދައި އެތަންތަން ނުދައްކައި އެމަނިކުފާނުގެ ސަރުކާރެއްގައި ވެހިކަލްތަކުގައި ސްޓިކަރ "ސްޓިކަރ ނުޖަހާނަން" ކަމަށް ރިޔާސީ ކެންޑިޑޭޓް އިބްރާހީމް މުޙައްމަދު ޞާލިޙް (އިބޫ) ވިދާޅުވެއްޖެއެވެ.

އިބޫ ރޭ ވިދާޅުވީ މިސަރުކާރުން އަމަލުކުރަމުން ގެންދާ ސްޓިކަރ ޖަހައިގެން ދައުލަތަށް ފައިސާ ހޯދުމުގެ ސިޔާސަތަށް އެމަނިކުފާނުގެ ސަރުކާރެއްގައި އަމަލު ނުކުރައްވާނެ ކަމަށެވެ. އެހެންކަމުން ސްޓިކަރ ޖެހުމަކީ ދައުލަތަށް އާމްދަނީ އިތުރު ކުރަން ކުރާ ކަމަކަށް ނުހައްދަވާނެ ކަމަށެވެ.

އިބޫ މިމޭރުމުން ވިދާޅުވެފައިވާއިރު މިއަހަރުގެ ދައުލަތުގެ ބަޖެޓުގައި ސަރުކާރަށް އާމްދަނީ ހޯދަން ކުރާނެ ކަންކަމުގެ ތެރޭގައި ސްޓިކަރޖެހުން ހިމަނައި އެކަމުން އެތައް މިލިއަން ރުފިޔާއެއް ދައުލަތުން ހޯދާނެކަމަށް ބަޖެޓުގައި ވަނީ ހިމަނައިފައެވެ.