ހައްދުމަތި މާމެންދޫ ކައުންސިލުގެ އިދާރާ ކުއްލި ގޮތަކަށް ހުޅުވައި ވޯޓު ފޮށްޓާބެހޭ ކަންތައްތަކެއް ކޮށްފިއެވެ.
މާމެންދޫ ކައުންސިލް މެންބަރަކު މިއަދު ވިދާޅުވީ ރޭ ވެސް ކައުންސިލުގެ އިދާރާ ކައިރީގައި "އެމީހުން" އުޅުނު ކަމަށެވެ.
އޭނާ ވިދާޅުވީ ކައުންސިލު އިދާރާ ހުޅުވާފައިވަނީ ވޯޓުފޮށީގެ ވެރިޔާ އާއި ފުލުހަކާއި ރަށު ކައުންސިލުގެ ޒިންމާދާރު ވެރިޔާ ކަމަށެވެ. އިދާރާ ހުޅުވީ ކައުންސިލުގެ ރައީސަށް ނުއަންގައި އިދާރާ ނުހުޅުވަން އަންގާފައިވަނިކޮށް ކަމަށެވެ. "ޤާނޫނުގައިވެސް އެކަން އޮންނަނީ އެގޮތަށް."
އޭނާ ވިދާޅުވީ އިދާރާ ހުޅުވައިގެން އުޅޭކަމުގެ މައުލޫމާތު ލިބިގެން ކުރަނީ ކީއްކަން ބެލުމަށް ކައުންސިލުގެ ރައީސާއި ބައެއް މީހުން ދިއުމުން ފުލުހުން ވަނީ ދިއަ މީހުން ބޭރުކޮށްފައި ކަމަށާއި ދެން ކުރި ކަމެއް ކުރީ އެތެރެއިން ތަޅުލައިގެން ތިބެ ކަމަށެވެ.
"ފުރަތަމަ ބުނީ އިލެކްޝަންސް ކޮމިޝަނުން އަންގައިގެން ތަކެތި ޗެކްކުރަން ކަމަށް. ފަހުން ބުނީ ޓެބްލެޓް ޗެކްކުރަން ކަމަށް. 45 މިނިޓެއްހައިއިރު ތަޅުލައިގެން އުޅެފަ މިހާރު ހިނގައްޖެ ތަޅުލާފަ."
ކައުންސިލަރު ދެއްވި މައުލޫމާތު (އޯޑިއޯ):
