ގުޅިފައިވާ ކޯލިޝަނާއިމެދު ފުލުހުންގެ ހިތުގައި ނަފުރަތު އުފައްދަން މާދަމާ ފުލުހަކަށް ހަމަލާދޭން ރާވާކަމަށް މައުލޫމާތު ލިބިފައިވާ ކަމަށް އަދާލަތު ޕާޓީގެ ނައިބް ރައީސް ޢަލީ ޒާހިރު ވިދާޅުވެއްޖެއެވެ.

ނޫސްވެރިންނަށް މައުލޫމާތު ދެއްވަމުން ދާދިދެންމެ ޢަލީ ޒާހިރު ވިދާޅުވީ ލިބިވަޑައިގަންނަވާ މިފަދަ މައުލޫމާތު ކަމާއިބެހޭ ފަރާތްތަކާއި ހިއްސާކުރައްވަމުން ގެންދަވާނެ ކަމަށެވެ. "މިނޫންވެސް ގިނަ ކަންތައްތަކެއް ކުރަން އެބަ ރާވާ ކަމަށް މައުލޫމާތު ލިބެނީ."

ޢަލީ ޒާހިރު ވިދާޅުވީ ކޯލިޝަނުގެ މީހުން ކަމަށް ހެދިގެން ބައަކު ކަމެއް ކޮށްފާނެ ކަމަށާއި ނަމަވެސް ކޯލިޝަނުގެ އެއްވެސް ސަޕޯޓަރަކު ހަމަ ނުޖެހުމެއް ހިގައިފާނެ އެއްވެސް ކަމެއް ނުކުރާނެ ކަމަށެވެ.