ސްރީލަންކާވެސް އޮތީ ރާއްޖެއިން ބޭނުންވާ ކޮންމެ ކަމެއް ކޮށްދޭން ތައްޔާރަށް ކަމަށް ރިޔާސީ ކެންޑިޑޭޓް އިބްރާހީމް މުޙައްމަދު ޞާލިޙްގެ ތަރުޖަމާނު މާރިޔާ އަޙްމަދު ދީދީ ވިދާޅުވެއްޖެއެވެ.

ނޫސްވެރިންނަށް މައުލޫމާތު ދެއްވަމުން މާރިޔާ މިއަދު ވިދާޅުވީ ސްރީލަންކާގެ ބޮޑުވަޒީރު ރަނިލް ވިކްރަމަ ސިންހަ މިއަދު އިންތިޚާބީ ރައީސަށް ފޯނު ކުރެއްވި ކަމަށެވެ. އަދި ސްރީލަންކާ އޮތީ ރާއްޖެއިން އެދޭ ކޮންމެ ކަމެއް ކޮށްދިނުމަށް ތައްޔާރަށް ކަމަށް އެމަނިކުފާނު ވިދާޅުވެފައިވާ ކަމަށެވެ.

ރަނިލް ވިކްރަމަ ސިންހައަކީ އެމްޑީޕީގެ ވަރަށް ޒަމާންވީ ވަރަށް ގާތް އެކުވެރިއެކެވެ.

ރައީސް މުޙައްމަދު ނަޝީދަށް މިވަގުތު ރާއްޖެވަޑައިނުގެންނެވޭތީ މަސައްކަތްޕުޅު ކުރައްވަމުން ގެންދަވަނީ ސްރީލަންކާގައި ހުންނަވައިގެންނެވެ.