ސެޕްޓެމްބަރ މަހުގެ 23 ވަނަ ދުވަހު ބޭއްވުނު ރިޔާސީ އިންތިހާބު ބާތިލު ކުރުމަށް ރާވަމުންދާ ކަމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފް ވިދާޅުވެއްޖެއެވެ.

މަހުލޫފް މިއަދު ކުރެއްވި ޓްވީޓެއްގައި ވިދާޅުވެފައިވަނީ، ރައީސް އަބްދުﷲ ޔާމީން ހުންނެވީ ބަލި ޤަބޫލު ކުރައްވައިގެން ނޫން ކަމަށާއި ރީތިކޮށް ކަންކަން ކުރިއަށް ގެންދަން އުޅުން ކަމުގައިވިޔަސް އެމަނިކުފާނު ހުންނެވީ މަސްލަހަތު ގެއްލުވާލާ ގޮތަށް ކަމަށެވެ.

އޭގެއިތުރުން ރިޔާސީ އިންތިހާބު ބާތިލު ކުރުމަށް ރާވަމުންދާ ކަމަަށް ވެސް މަހުލޫފް ވިދާޅުވިއެވެ.

އެފުރުސަތު ނުދެއްވުމަށް ފުލުހުންނާއި ސިފައިން، އަދި އިލެކްޝަންސް ކޮމިޝަނާއި ސުޕްރީމް ކޯޓަށް މަހުލޫފް ގޮވާލާފައިވާއިރު، ރައްޔިތުން ސަމާލުވުމަށް ވެސް އެދިވަޑައިގެންފައިވެއެވެ.

Yameenbaligaboolehnukurey. Alhugandumenreethikohgendhanulhunaseynahureemaslahathugelluvaalaagothah.
Inthikhaabubaathilkurumahdhaneeraavamun.
Rayyithungeninmunbolaalaajahaa,dhivehifuluhun,Sifain EC adhi SC inn efurusathunudhevvumahgovaalan. Rayyithunsamaalu !

— Ahmed Mahloof (@AhmedMahloof) September 26, 2018

މަހުލޫފްގެ އިތުރުން އެމްޑީޕީގެ އެކްޓިސްޓެއް ކަމަށްވާ ތޮއްޔިބު ވެސް ވަނީ، އިންތިހާބީ ރައީސް އަށް ބަޔަކު ގޮތެއް ހަދަން އުޅޭ ކަމަށް ބުނެ ޓްވީޓެއް ކޮށްފައެވެ. އޭނާ ބުނެފައިވަނީ ޕީޕީއެމް އަށް ނިސްބަތްވާ ބަޔަކު ކޯލިޝަން ކެމްޕޭނު އޮފީހާއި އެމްޑީޕީ އޮފީހާއި، ކުނޫޒުގައި ގިނަ އަދަދެއްގެ އައިޑީކާޑު ފޮރުވައި، އިންތިހާބީ ރައީސް އިބްރާހިމް މުޙައްމަދު ސޯލިހާއި އިންތިހާބީ ނައިބު ރައީސް ފައިސަލް ނަސީމަށް ގޮތެއް ހަދަން މަސައްކަތް ކުރާ ކަމަށެވެ.

#Samaalukamah. PPM ah NisbaivaaBayaku Coalition Campaign office ah MDP office ah Kunooz ah Gina Adhadhehge ID card thahForuvaafa Coalition Candidate Ibu aa Faisal Ah GothehHadhan@PoliceMv ThereinBayakuMassaikaikuraakamugeMaulomathuvaneeLibifa.

— Thayyib #ibufaisal (@thayyib) September 26, 2018