ރައްޔިތުންގެ މަޖިލީހުގެ ރައީސް އަބްދުﷲ މަސީހު މަޤާމުން ދުރުކުރުމަށް 49 މެންބަރުން ސޮއިކޮށްފިކަމަށް އިތުބާހުރި ފަރާތަކުން މިއަދުނޫހަށް ކަށަވަރުކޮށްދީފިއެވެ.

އިދިކޮޅުފަރާތްތަކުން މަޖިލީހުގެ ރައީސް މަސީހުގެ މައްޗަށް އިތުބާރު ނެތް ކަމުގެ ވޯޓެއް ނަގަން މި މަސައްކަތް ކުރަނީ ވޭތުވެދިޔަ ދޮޅު އަހަރެއްހާ ދުވަހުގެ ތެރޭގައި ތިން ވަނަ ފަހަރު އެވެ.

މަސީހުގެ އިތުބާރު ނެތްކަމުގެ މައްސަލަ މާދަމާ މަޖިލީހަށް ވައްދާނެކަމަށް އިދިކޮޅުފަރާތްތަކުން ވަނީބުނެފައެވެ.

49 މެންބަރުންގެ ސޮއި މަސީހާއި ދެކޮޅަށް ލިބޭނީ ޕީޕީއެމްގެ ބައެއް މެމްބަރުންވެސް އެމައްސަލާގައި ސޮއި ކުރެއްވުމުންކަން ފާހަގަކުރެވެއެވެ.