އިންޑިއާގެ ކެރަލާއަށް ކުރަމުންދާ މޫސުމީ ވިއްސާރާގައި ކޮޗިންގައި ފެންބޮޑުވެ އާންމު ހާލަތަށް ދަތިވެފައިވާތީ 219 ދިވެއްސަކު ޓްރިވެންޑަރަމަށް ބަދަލުކޮށްފި އެވެ.

ޓްރިވެންޑްރަމްގައި ހުންނަ ރާއްޖޭގެ ކޮންސިއުލޭޓުން ބުނެފައިވަނީ ކޮޗިންއިން ޓްރިވެންޓްރަމްއަށް ހަތް ބަހެއްގައި ޖުމްލް 219 ދިވެހިން ބަދަލުކޮށްފައިވާ ކަމަށެވެ. މީގެ ތެރޭގައި ބޭސްފަރުވާއަށް ކޮޗިންގެ އަމްރިތާ ހޮސްޕިޓަލަށް ގޮސް ތިބި މީހުންވެސް ހިމެނޭކަމަށެވެ.

މައުލޫމާތުލިބިފައިވާގޮތުގައި ކޮންސިއުލޭޓުން ހަމަޖައްސައިދެނީ ހަމަ އެކަނި ބަހުގެ ހިދުމަތެވެ. ޓްރިވެންޑްރަމްގައި ތިބުމުގެ ހަރަދެއް ފޯރުކޮށެއް ނުދެ އެވެ.

ރިޕޯޓްތައް ބުނާ ގޮތުން މިފަހަރުގެ ފެންބޮޑުވުމަކީ ފާއިތުވި 100 އަހަރުގެ ތެރޭގައި ކުރިމަތިވި އެންމެ ބޮޑު ފެންބޮޑުވުމެވެ. މިމަހުގެ 8 ވަނަ ދުވަހުން ފެށިގެން ކުރަމުންދާ ވިއްސާރައިގައި މިހައިތަނަށް 2400 އަށްވުރެ ގިނަ އަވަށުގައި ވަނީ ފެންބޮޑުވެ ބޮޑެތި ގެއްލުންތައް ލިބިފައެވެ.

Attn Maldivians in #Cochin:

7th and the final bus from Cochin-Triv is arranged & is expected to depart from BG Hotel near Amrita Hospital, Cochin at 17:00 hrs today. #KeralaFloods.

Contact in Consulate:
+919947085326 Abd'Rasheed Adam (First Secretary). pic.twitter.com/n4LScKLRRx

— MaldivesConsulateTRV (@MDVTRV) August 19, 2018