ބޮޑު މަސްއޫލިއްޔަތަކާއި ހަވާލުވުމުގެ ކުރިން ޢުމްރާއެއްވެ، ﷲ ތަޢާލާގެ ހަޟްރަތުން ވާތްގާއި މަދަދަށް އެދުމީ އުފާވެރި ފެށުމެއް ކަމަށް ދެކެވަޑައިގަންނަވާ ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.

"ބޮޑު މަސްއޫލިއްޔަތަކާއި ހަވާލުވުމުގެ ކުރިން މައްކާގެ ގެފުޅަށް ގޮސް، ޢުމްރާއެއްވެ، ﷲ ތަޢާލާގެ ހަޟްރަތުން ވާތްގާއި މަދަދަށް އެދުމީ އުފާވެރި ފެށުމެއް ކަމުގައި ދެކެމެވެ. މައްކާގެ ޙަރަމްފުޅުގައި ކުރާ 1 ނަމާދު، އެހެން ތަނެއްގައި ކުރާ 100،000 ނަމާދާއި އެއްވަރެވެ! ސުބްހާނަﷲ!"

ޝައިޚް ޢަލީ ޒައިދު މިމޭރުމުން ވިދާޅުވެފައިވާއިރު ޢުމްރާ ދަތުރުފުޅެއްގައި އިންތިޚާބީ ރައީސް އިބްރާހީމް މުޙައްމަދު ޞާލިޙް އާއި ކޯލިޝަނުގެ އިސް ބައެއް ބޭފުޅުން މާދަމާ ފުރާ ވަޑައިގަތުމަށް ވަނީ ހަމަޖެހިފައެވެ.