32 އަހަރުގެ އަންހެނަކު ބަނޑުގައި ރިއްސާތާ 2،3 ދުވަސްވުމުން އޭނާގެ އާދައިގެމަތިން ފުރަތަމަ ކަމެއްގެ ގޮތުން ހޯދީ ޑރ. ގޫގްލްސްގެ މަޝްވަރާއެވެ. ހުރިއުނދަގޫތައް ބަޔާންކޮށްލާއިރަށް ޖެހިފައިވާ ކުރަންވީ ފަރުވާވެސް ބުނެފިއެވެ. އެންމެ ރަނގަޅު ފެންވަރުގައި ފަރުވާދޭނެ ހޮސްޕިޓަލާއި އެންމެ މޮޅު ޑޮކްޓަރުންވެސް ކިޔައިދީފިއެވެ. 

އަންހެންމީހާ އަވަސް އަވަހަށް ޑޮކްޓަރަށް އެޕޮއިންމަންޓް ހަދައިގެން ދެއްކުނީ އަނެއްދުވަހުއެވެ. ދެއްކުމުން ފުރަތަމަ ކަމެއްގެ ގޮތުން އޭނާގެ އެއްވެސް ގުނަވަނެއްގައި ކެންސަރުގެ އަސަރު ހުރިކަން ބެލުމަށް ޓޭސްޓްތައް ހެދިއެވެ. 

ނަތީޖާ ލިބުމުން ޑޮކްޓަރު ބުންޏެވެ. "ތިބާގެ އެއްވެސް ގުނަވަނަކު ކެންސަރުގެ އެއްވެސް އަސަރެއް ނުވަތަ ޢަލާމާތެއްވެސް ނެތެވެ. އަދި ޑރ. ގޫގްލްސް ތިއަބުނާ ގުނަވަނަށް ކެންސަރުޖެހޭނީ އެގުނަވަން އިނދެގެން ނޫންހެއްޔެވެ؟ ފިރިހިނެއްގެ ގާތު އޭނާގެ ރަހިމަށް ކެންސަރުޖެހިފައިވާކަމަށް ބުނީމާ ޤަބޫލުކުރެވޭނެ ހެއްޔެވެ؟ މިފަހަރު ތިއަ މެދުވެރިވީ އެކަހަލަ ކަމެކެވެ." 

މިއީ ހަމަ ދާދިފަހުން އެންމެ ކުރިއަރާފައިވާ އިނގިރޭސިވިލާތުގައި ހިނގާފައިވާ ކަމެކެވެ. ޞިއްޙީ މައުލޫމާތު ގޫގްލްސް އިން ހޯދިނަމަވެސް މުހިންމު ކަންކަމުގައި ތަޖުރިބާކާރު ޑޮކްޓަރުންނާ މަޝްވަރާ ނުކޮށް ޤަބޫލުކުރާނަމަ މިފަދަ ގޮތްތައް މެދުވެރިވުން ގާތެވެ!