އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 55 ސިކުންތު
އެމީހަކު ކުރާ އަމަލެއްގެ ސަބަބުން ﷲ ތަޢާލާގެ ޙައްދު ވާޖިބުވެ، އެމީހާގެ ހެކިބަސް ޤަބޫލުނުކުރަން ﷲ ތަޢާލާ އަންގަވާފައިވާ މީހަކު ރައްޔިތުންގެ މަޖިލީހުގެ ރިޔާސަތަކު ނުބެއިންދޭނެއެވެ. އަދި އެފަދަ މީހަކު މަޖިލީހުގެ ރިޔާސަތުގައި ބައިންދައިގެން ނިންމާ ނިންމުންތައް ބަލައިގަތުމެއްވެސް ނެތެވެ.
މިއީ ﷲ ތަޢާލާގެ ޙުކުމްފުޅުތަކަށް ބިރުވެތިވާ އެއްވެސް މުސްލިމަކު ދެބަސްވާނެ ކަންކަމެއް ނޫނެވެ. ވީމާ މަޖިލީހުގެ ޢިއްޒަތްތެރި މެންބަރުންނަށް ވަރަށް އިޚްލާޞްތެރިކަމާއިއެކު އަޅުގަނޑު މިއިލްތިމާސްކުރަނީ މިހާރުން މިހާރަށް މަޖިލީހުގެ ރިޔާސަތަށް ހެކިބަސް ޤަބޫލުކުރުން ﷲ ތަޢާލާ ހުއްދަކުރައްވަވާފައިވާ މީހަކު އިސްކުރުމަށެވެ.
ﷲ ތަޢާލާ އެމީހެއްގެ މައްޗަށް ޙައްދު ވާޖިބުވާޖިބުކުރައްވާފައިވާ ކުށެއް މީހަކު ކުރިކަން ސާބިތުވުމުން އޮތީ ވީހައިއަވަހަކަށް އެ ޙައްދު ތަންފީޒުކުރުމެވެ. ﷲ ތަޢާލާގެ އަމުރުފުޅުތަކަށް ބޯލަނބައި ކިޔަމްނަތެރިވުމަކީ އެއީއެވެ.
- ޑރ. މުޙައްމަދު އިޔާޟް ޢަބްދުއްލަޠީފް
ގުޅުންހުރި ލިޔުމާއި ދަލީލު:
"މީހެއްގެ ބޮލުގައި ޒިނޭގެ ތުހުމަތު އަޅުވައިފިނަމަ ހަތަރު ހެކި ގެންނަން ޖެހޭނެ. ނުގެނެސްފިނަމަ ޤަޛްފުގެ ޙައްދު (އަށްޑިހަ އެތިފަހަރު) ޖަހަން ޖެހޭނެ. އަދި އެމީހަކީ ފާސިޤެއްކަމަށް ބަލައި އެމީހެއްގެ ހެކިބަސް ގަބޫލު ނުކުރެވޭނެ."
- ޑރ. އިޔާޟް
ޑރ. އިޔާޟް މިމޭރުމުން ވިދާޅުވެފައިވަނީ ރައީސް ނަޝީދު، ރައީސް ޞާލިޙްގެ މައްޗަށް ކުރައްވާ ތުހުމަތުތަކާއި ގުޅިގެންނެވެ. ބަޔާން ކުރައްވާފައިއެވަނީ އަންނޫރު ސޫރަތުގެ 4 ވަނަ އާޔަތެވެ. ﷲ ތަޢާލާގެ ޙުކުމްފުޅެވެ. އަމުރުފުޅެވެ!
"ޢިއްފަތްތެރި އަންހެނުންނަށް ޤަޛްފްކުރާމީހުން (އެކަމުގެ މައްޗަށް) ހަތަރު ހެކިން ނުގެނައިނަމަ، ފަހެ، އެއުރެންގެގައިގައި އަށްޑިހަ އެތިފަހަރުން (ޙައްދު) ޖަހާށެވެ! އަދި ދުވަހަކުވެސް އެއުރެންގެ ހެކިބަހެއް ތިޔަބައިމީހުން ޤަބޫލު ނުކުރާށެވެ! އަދި އެއުރެންނީ، ހަމަ، ފާސިޤުންނެވެ." (އަންނޫރު: 4)
Advertisement
30 ޖުލައި 2022