އުރީދޫގެ 17 ވަނަ އަހަރީދުވަސްފާހަގަކުރަން މިއަދު ބޭއްވި ނޫސްވެރިންގެ ބައްދަލުވުމުގައި ދިން ޚަބަރަކާއި ގުޅިގެން ގިނަބައަކު އުރީދޫއަށް ތަޢްރީފްކޮށް މަރިުޙަބާކިޔަމުން އެބަގެންދެއެވެ. އަދި އުރީދޫން ބުނިފަދައިން ކަންކަން ކޮށްފިނަމަ އުރީދޫއާއި ގުޅޭނެ ކަމަށްވެސް ދަނީ ބުނަމުންނެވެ. 

އުރީދޫ އިން ދިން އުފާވެރި ޚަބަރަކީ "ސަރުކާރުގެ މުއައްސަސާއަކުން އަންގައިފިނަމަ ނުރަނގަޅު ސައިޓްތައް ބްލޮކްކުރާނެ" ކަމުގެ ޚަބަރެވެ. 

އުރީދޫގައި އެކަމަށްހުރި ޤާބިލުކަން ދިރާގުގައިވެސް ހުންނާނެއެވެ. ނެތިގެން މިއުޅެނީ އެއަމުރު ނެރެލައިދޭނެ ރައީސުލްޖުމްހޫރިއްޔާއެކެވެ. އިސްލާމީ އަޚްލާޤާއި ތަރުބިއްޔަތަކީ އެކަންކަމުގެ ވާހަކަދައްކައިގެން ޙާޞިލް ކުރެވޭނެ ކަންކަމެއް ނޫނެވެ. 4 އަހަރުވީއިރުވެސް އިސްލާމީ އަޚްލާޤާ ތަރުބިއްޔަތު ދިނުމަށް ކުރަންޖެހޭ ހަމައެއްވެސް ކަމެއް ކުރެވުނުތަން ފެނިފައި ނެތުމަކީ ކަންބޮޑުވާންޖެހޭ ކަމެކެވެ.