"ޢިލްމުވެރިއަކަށްވާށެވެ. ނުވެވޭނެ ނަމަ ދަރިވަރަކަށްވާށެވެ. ޢިލްމްވެރިއަކަށްވެސް، ދަރިވަރަކަށްވެސް ނުވެވޭނެ ނަމަ އެމީހުންނަށް ނަފްރަތު ކުރާ މީހަކަށް ނުވާށެވެ." ޢުމަރް އިބްން ޢަބްދުލްޢާޒީޒް

މިއީ ވަރަށް އިބްރަތްތެރި ބަސްކޮޅެކެވެ. ޢިލްމްވެރިންނަށާއި ޢިލްމް އުނގެނޭ ދަރިވަރުންނަށް ނިޞްބަތްކޮށް އެމީހަކު ހިތަށްއެރިހައި އެއްޗެއް ގޮވާ މީހުން ވިސްނައިލުން ވަރަށް މުހިންމު ބަސްފުޅެކެވެ.

ޢިލްމުވެރިންގެ ތެރެއިންވެސް ޚާއްޞަކޮށް ދީނީ ޢިލްމުވެރިންނަށް ނަފަރަތުކުރުމަކީ ވަރަށް ނުބައިކަން ބޮޑު ކަމެކެވެ. ދީނީ ޢިލްމުވެރިއަކު ވިދާޅުވާ ބަސްފުޅަކާއި މެދު ހިތްހަމަ ނުޖެހޭ ނަމަ ނުވަތަ އޮޅުން ނުފިލާނަމަ އެކަން އޮޅުންފިލުވަން ސުވާލުކުރަން ޖެހޭނީވެސް އަދި ޝުޢޫރު ފައުޅުކުރަންޖެހޭނީ ވެސް އަދަބުވެރިކަމާއިއެކު ރިވެތި ގޮތުގައެވެ.