މަގުތައް ރައްކާތެރިކުރުމަށް އެންމެން ގުޅިގެން މަސައްކަތްކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގޮވާލައްވައިފިއެވެ.

މިކަން ރައީސް ފާހަގަކުރެއްވީ މަގުމަތީގެ އެކްސިޑެންޓްތަކާ ގުޅޭގޮތުން އެނިމޭޓަރ ޔާމިން ރަޝީދު ތައްޔާރުކޮށްފައިވާ ވީޑިއޯއެއް ސޯޝަލް މީޑިއާގައި ހިއްސާކުރައްވަމުންނެވެ.

ރައީސް މުޢިއްޒު ވިދާޅުވީ "ފުރާނައަކީ އަގުހުރި އެއްޗެކެވެ، ރައްކާތެރިކަމާއެކު ދުއްވާށެވެ!" މިހެންނެވެ. އަދި އިތުރަށް ވިދާޅުވީ "އަހަރެމެންގެ މަގުތައް ރައްކާތެރިކުރުމަށް އެންމެން ގުޅިގެން މަސައްކަތް ކުރަމާ ހިނގާށެވެ! އަހަރެމެންގެ އަތުން ކުރެވޭ ގޯސް ކަންތައްތައް ރަނގަޅު ކުރުމަށް ދެވަނަ ފުރުސަތެއް ނުލިބިދާނެއެވެ!" މިފަދައިންިންނެވެ.

ރައީސް މުޢިއްޒު މި ވީޑިއޯ ހިއްސާކުރެއްވުމާއެކު، ޔާމިން ރަޝީދު އަދި ސެލްމިން އެނިމޭޝަން ސްޓޫޑިއޯއަށް މި އުފެއްދުމަށްޓަކައި ޝުކުރު އަދާކުރެއްވިއެވެ. އަދި މި ވީޑިއޯއިން ބުނެދެނީ ރާއްޖޭގައި މިހާރު އާންމުވަމުންދާ އެންމެ ބޮޑު އެއް އިޖުތިމާޢީ މައްސަލައާ ގުޅޭ ފުރިހަމަ މެސެޖެއްކަން ފާހަގަކުރެއްވިއެވެ.

މި ގޮވާލެއްވުމަކީ، ފަހަކަށްއައިސް ރާއްޖޭގައި އިތުރުވަމުންދާ މަގުމަތީގެ އެކްސިޑެންޓްތަކާ ގުޅިގެން ސަރުކާރުން ނަގާ ސީރިއަސްކަން ދައްކުވައިދޭ ކަމެކެވެ. މީގެ ކުރިންވެސް ސަރުކާރުން ވަނީ މަގުމަތީގެ ރައްކާތެރިކަން އިތުރުކުރުމަށް އެކި ފިޔަވަޅުތައް އަޅާފައެވެ. ނަމަވެސް، މި މައްސަލަ ޙައްލުކުރުމަށް ހަމައެކަނި ސަރުކާރުގެ މަސައްކަތުން ނުފުދޭނެކަން ފާހަގަކޮށް، މުޅި މުޖުތަމަޢުގެ ބައިވެރިވުން މުހިންމުކަން ރައީސް މުޢިއްޒު މި ގޮވާލެއްވުމުން ފާހަގަކޮށްދެއްވާފައިވެއެވެ.

"Life is Precious, Drive Safely!"
Let us all put a concerted effort to make our roads safe for us! We may not get a second chance to make right what we do wrong with our own hands!

Thank you, Yamin Rasheed & cellmin Animation Studio, for this creation. pic.twitter.com/az1ILez6XH

— Dr Mohamed Muizzu (@MMuizzu) September 18, 2024