އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 4 ސިކުންތު
ރ. ހުޅުދުއްފާރުގައި ބޭންކްބޭންކް އޮފް މޯލްޑިވްސް (ބީއެމްއެލް) އަދި މޯލްޑިވްސް އިސްލާމިކް ބޭންކް (އެމްއައިބީ)ގެ އޭޓީއެމް ބެހެއްޓުމުގެ އެއްބަސްވުމުގައި މިއަދު ސޮއިކުރެވުނެވެ. މިއީ ރާއްޖޭގެ ހުރިހާ ރަށަކަށް ބޭންކިންގ ޚިދުމަތް ފުޅާކުރުމުގެ ސަރުކާރުގެ މަޝްރޫޢުގެ ބައެކެވެ.
ރައީސުލްޖުމްހޫރިއްޔާގެ ވަޢުދާ އެއްގޮތަށް، ރާއްޖޭގެ ހުރިހާ ރަށެއްގައި ދިރިއުޅޭ ރައްޔިތުންނަށް ބޭންކިންގ ޚިދުމަތް ފޯރުކޮށްދިނުމަށްޓަކައި، އޭޓީއެމް ޚިދުމަތް ފުޅާކުރުމުގެ މަސައްކަތް މިހާރު ދަނީ ކުރެވެމުންނެވެ. މި މަސައްކަތުގެ ތެރެއިން، ހުރިހާ ދިވެހި ރައްޔިތުންނަށް ފަސޭހަކަމާއެކު މާލީ ޚިދުމަތްތައް ލިބިގަތުމުގެ މަގު ފަހިވެގެންދާނެއެވެ.
މީގެ އިތުރުން، ރ. އަތޮޅުގެ އިތުރު 3 ރަށެއްގައިވެސް އޭޓީއެމް ބެހެއްޓުމަށް އެއްބަސްވެވުނު ކަމަށް ބޭންކުތަކުން މަޢުލޫމާތު ދެއެވެ. މި މަޝްރޫޢުގެ ދަށުން، މާރިޗު މަހުގެ ނިޔަލަށް 17 ރަށެއްގައި އޭޓީއެމް ބެހެއްޓުމަޓުމަށް ވަނީ ރޭވިފައެވެ. އަދި މި އަހަރު ނިމުމުގެ ކުރިން އިތުރު ރަށްތަކުގައިވެސް އޭޓީއެމް ބެހެއްޓުމުގެ މަސައްކަގެ މަސައްކަތް ކުރިއަށް ގެންދިއުމަށް ވަނީ ހަމަޖެހިފައެވެ.
މި މަޝްރޫޢުގެ ސަބަބުން، ރަށްރަށުގައި ދިރިއުޅޭ ރައްޔިތުންނަށް ފައިސާ ނެގުމާއި ޖަމާކުރުމުގެ ޚިދުމަތް ފަސޭހަކަމާއެކު ލިބިގެންދާނެއެވެ. އަދި މިއީ ރަށްރަށުގެ އިޤްތިޞާދީ ދުވެލި އިތުރުވެ، ވިޔަފާރިތަކަށް ފަސޭހަތަކެއް ލިބިގެންދާނެ ކަމެއް ކަމުގައިވެސް ބެލެވެއެވެ.
Advertisement
22 ޖެނުއަރީ 2025