ދެމަފިރިންގެ ކައިވެންޏަށް 3 އަހަރުވީއިރުވެސް ދަރިއަކު ނުލިބުމުން އެކިއެކި ހޮސްޕިޓަލުތަކަށް ގޮސް ޑޮކްޓަރުންނާއި މަޝްވަރާކޮށް ދަރިއަކު ލިބޭތޯ ކުރި މަސައްކަތުންވެސް އެއްވެސް ނަތީޖާއެއް ނުފެނުނެވެ. އެހިސާބުން ދެމަފިރިން ނިންމީ އެހެން މީހުންގެ ދަރިން ގެންގުޅެ ބޮޑު ކުރުމަށެވެ.

އެގޮތުން ޤާނޫނީ ބެލެނިވެރިކަމާއިއެކު ކުއްޖަކު ހޯދަން އެކި އެޖެންސީތަކަށް ހުށަހަޅަމުން ދަނިކޮށް އެކުއެކުގައިހެން 3 އެޖެންސީއަކުން 3 ކުދިން ހަމަޖައްސައި ދިނުމުން ދެމަފިރިން ނިންމީ 3 ކުދިންނާއިވެސް ޙަވާލުވުމަށެވެ.

3 ކުދިންނާއި ހަވާލުވެ 3 ކުދިން ބަލަހައްޓަން ފެށިތާ މަހެއްހައި ދުވަސްވީތަނާ އަނބިމީހާގެ ކިބައިން އާދައާއި ޚިލާފް ކަންތައްތަކެއް ފެންނަން ފެށުމުން ޑޮކްޓަރަށް ދެއްކުމުން ސްކޭންކޮށްފައި ޑޮކްޓަރު ދިން މެސެޖުން ދެމަފރިންނަށް ލިބުނީ ކުއްލި ސިހުމެކެވެ. އޭނާ އިނީ އެއްމާބަނޑު 3 ކުދިންނަށް ބަލިވެއެވެ. އަންހެން މީހާ މިހާރު ވަނީ ލޯބިލޯބި 3 ކުދިން ވިހައިފައެވެ. ދެމަފިރިންނަކީ މިހާރު 6 ކުދިންގެ މަންމަ އާއި ބައްޕައެވެ. އުންމީދަކީ 6 ދަރިންވެސް ބަލައި ބޮޑުކުރުމެވެ. އެހެންކަމުން ދެމަފިރިންނަކީ ދުނިޔޭގައި ތިބި އެންމެ "ބިޒީ" މަންމަ އާއި ބައްޕަގެ ތެރޭގައި ހިމެނޭ އެއް ދެމަފރިންނެވެ.