އަސާސީ ޕެންޝަނަކީ 5000 ރުފިޔާ ކަމަށް ހަމަޖައްސަން ޤާނޫނަށް އިޞްލާޙް ހުށަހަޅައިފި އެވެ.

އިޞްލާޙް ހުށަހަޅުއްވަމުން މެންބަރު އަސްލަމް ވިދާޅުވީ ޤާނުނުގައި މިހާރު އޮންނަނީ އަސާސީ ޕެންޝަނަކީ މަހަކު 2000 ރުފިޔާ ކަމަށާއި 5000 ރުފިޔާ ދެމުން ގެންދަނީ ޤާނޫނަށް އިޞަލާޙް ނުގެނެސް ކަމަށްވުމުން ޤާނޫނަށް މި އިޞްލާހް ގެނެސް ޤާނޫނެއްގެ ދަށުން ކުރަން ޖެހޭ ކަމެއްކަމަށް މިސްރުކާރުން ޤަބޫލުކުރާ ކަމަށެވެ.

އަސްލަމް ވިދާޅުވީ ޤާނޫނަށް މި އިޞްލާޙް ގެނައުމުން 5000 ރުފިޔާ ލިބެމުންދާނީ އެއިރެއްގައި ވެރިކަން ކުރާ ސަރުކާރަކުން ކުރާ އިޚްތިޔާރީ ކަމެއްގެ ގޮތުގައި ނުވަތަ ވެރިއެއްގެ ދީލަތިކަމުން ނޫން ކަމަށާއި އެކަން ކުރަން ޤާނޫނުން ލާޒިމް ކުރާތީ ކަމަށެވެ. ޤާނޫނަށް މި އިޞްލާހް ގެނައުމުން މަހަކު 5000 ލިބޭނެކަން ޙައްޤުވެރިންނަށް ޔަޤީން ކުރެވިގެންދާނެ ކަމަށެވެ.