ލިޔުނީ: ޒިދާން މުހައްމަދު 

ދިވެހިރާއްޖޭގައި އާސާރީ ތަންތަނުގެ ގޮތުގައި ކަނޑައަޅާފައިވާ ތަންތަނުގެ ސަލާމަތާއި ރައްކާތެރިކަން ބެލެހެއްޓުމާ ބެހޭ ގޮތުން މަޝްވަރާކުރެއްވުމަށް، މިނިސްޓަރ އޮފް އާޓްސް، ކަލްޗަރ އެންޑް ހެރިޓޭޖް ޔުމްނާ މައުމޫން ފުލުހުންނާ ބައްދަލުކުރައްވައިފިއެވެ.

މި ބައްދަލުވުމުގައި، ހެރިޓޭޖް މިނިސްޓަރު ޔުމްނާ މައުމޫނާއި، ފުލުހުންގެ އެކްޓިންގް ކޮމިޝަނަރު މުޙައްމަދު ހަމީދުގެ އިތުރުން ފުލުހުންގެ އިސް ބައެއް އޮފިސަރުންނާއި މިނިސްޓްރީ އޮފް އާޓްސް، ކަލްޗަރ އެންޑް ހެރިޓޭޖްގެ އިސްވެރިން ބައިވެރިވެރިވެވަޑައިގަތެވެ. 

އެނގިފައިވާގޮތުން، މި މަޝްވަރާގެ ބައްދަލުވުމުގައި ބޮޑަށް މަޝްވަރާކުރައްވާފައިވަނީ ފުލުހުންގެ ފަރާތުން ޤައުމީ ދާރުލްއާސާރުގެ އިތުރުން ދިވެހިރާއްޖޭގައި ހުރި އާސާރީ ތަންތަނުގެ ސަލާމަތާއި ރައްކާތެރިކަން ބެލެހެއްޓުމާ ގުޅޭގޮތުންނެވެ.

މި ބައްދަލުވުން ކުރިއަށް ގޮސްފައިވަނީ ޤައުމީ ދާރުލްއާސާރުގައެވެ.