އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 6 ސިކުންތު
الحمد لله والصلاة والسلام على رسول الله وعلى آله وصحبه أما بعد:
މުޙްޞަން އަކު ޒިނޭކޮށްފިނަމަ، އޭނާގެ އަދަބަކީ ރަޖަމްކަން ދޭހަވާ އާޔަތް ގުރްއާނުގައި ބާވާލެއްވިކަން ރަސޫލުﷲ ޞައްލަﷲ ޢަލައިހި ވަސައްލަމަގެ ޞައްޙަ ސުންނަތުން ޘާބިތުވެއެވެ. ރަސޫލުﷲ ޞައްލަﷲ ޢަލައިހި ވަސައްލަމަގެ ޙަޔާތްޕުޅުގައި އެއާޔަތް ކިޔެވުނެވެ. ނަމަވެސް، ﷲ ވަނީ އެއާޔަތުގެ ލަފްޡު މަންސޫޚު ކުރައްވާ ޙުކުމް ދެމިއޮންނަގޮތަށް ލައްވާފައެވެ.
ކިޔެވުން މަންސޫޚުވެފައި ޙުކުމް ދެމިއޮތުމުގެ ޙިކްމަތަކީ އިމްތިޙާނު ކުރެއްވުމެވެ. ﷲ ގެ އަމުރުފުޅު އައުމުން އެއަށް ކިޔަމަންގަތުމުގައި އަވަސްވެގަތުމަށް ބާރުއެޅުއްވުމުގެ ގޮތުންނެވެ. އިބްރާހީމް ޢަލައހިއްސަލާމް އަށް ހުވަފެންފުޅުގައި ދަރިކަލުން ޛަބަޙަ ކުރައްވާތަން ފެނިވަޑައިގަތުމާއި އެކު، ވަގުތުން އެއަމުރުފުޅު ތަންފީޛު ކުރެއްވުމުގެ މަސައްކަތް ފެއްޓެވިއެވެ. އެއީ، ﷲ ސުބްޙާނަހޫ ވަތަޢާލާ އަށް ފުރިހަމަ އަށް ކިޔަމަންތެރިކަން އަދާކުރުމުގެ ގޮތުންނެވެ.
- ޑރ. މުޙައްމަދު އިޔާޟް ޢަބްދުއްލަޠީފް
Advertisement
16 ޖެނުއަރީ 2019