"މިއަދު މި އިސްލާމީ މުޖުތަމަޢުގެ ކުރިއެރުމަށް ބޭނުންވާ މުސްލިމް މުދައްރިސުންނާއި، މުސްލިމް ޑޮކްޓަރުންނާއި، މުސްލިމް އިންޖިނޭރުންނާއި، މުސްލިމް ޕައިލެޓުންނާއި، މުސްލިމް މަޖިލިސް މެންބަރުންނާއި، މުސްލިމް ލީޑަރުން ނެރެވޭނީ އިސްލާމީ ތަރުބިއްޔަތަކާއިއެކު ޒަމާނީ ތައުލީމެއް ދެވިފައިވާ ކުދިބައަކަށް އަޅުގަނޑުމެންގެ ދަރިން ހަދައިގެންނެވެ."

މިއީ ޝައިޚް މުޙައްމަދު އަނީލް ވިދާޅުވެފައިވާ ބަސްފުޅެކެވެ.

ރާއްޖޭގައި ދަރިވަރުންނަށް އިސްލާމީ ތަރުބިއްޔަތު ދެމުން އަންނަނީ މާލެއަށް ބަލައިފި ނަމަ ހަމައެކަނި ޢަރަބިއްޔާގައި ކަމަށްވުމުން އިސްލާމީ ތަރުބިއްޔަތު ލިބިގެން ނުކުންނަ ދަރިވަރުންގެ އަދަދު ވަރަށް މަދެވެ. ހަމަ އެއާއިއެކު ޟަޢްހަދު، ކުއްލިއްޔާ، ޢަރަބިއްޔާ މިތަންތަނުން ކިޔަވައިގެން ނުކުތް ދަރިވަރުންގެ ކިބައިން އަޚްލާޤީ ގޮތުން ދަނީ ނަމޫނާ ފެންނަމުންކަން ފާހަގަ ކުރެވެއެވެ. ކުށުގެ ރެކޯޑްތަކާއި އަޚްލާޤަށް ބެލުމުން މިކަންކަން ވަރަށް ބޮޑަށް ފާހަގަ ކުރެވެއެވެ.