އާރޓިކަލްކިޔުމަށް ހޭދަވާނެކަމަށް ބެލެވެނީ : 0 މިނެޓް, 50 ސިކުންތު
ކުރީގެ ރައީސް އަބްދުﷲ ޔާމީނާއި ކުރީގެ ނައިބު ރައީސް އަހްމަދު އަދީބު މައްޗަށް ކުރާ މަނީ ލޯންޑްރިން ހިންގި ކަމަށް ތުހުމަތުކުރެވޭ މައްސަލަ އެޓާނީ ޖެނެރަލްގެ އޮފީހުން ފުލުހުންނަށް ހުށަހަޅައިފިއެވެ.
އެޓާނީ ޖެނެރަލްގެ އޮފީހުން ނެރުނު ބަޔާނެއްގައި ބުނެފައިވަނީ ލޯންޑްރިންގެ އިތުރުން ކޮރަޕްޝަނާއި ރިޝްވަތު ދިން ކަމަށް ތުހުމަތު ކުރެވޭ ހެކި ހުރި ކަމަށާއި ކޮރަޕްޝަންގެ މައްސަލަތައް ބަލައި، ދައުލަތަށް ލިބެން ޖެހޭ ފައިސާ އަނބުރާ ހޯދަން އުފައްދާފައިވާ ރިޔާސީ ކޮމިޝަނާ އެ ލިޔުންތައް ހަވާލުކުރީ މި މަހުގެ 15 ގަ އެވެ. މިމައްސަލަ ފުލުހުންނަށް ހުށަހެޅީ ކޮން ދުވަހަކު ކަމެއް ސާފުވާގޮތްވަނީ ނުވެފައެވެ.
މި މައްސަލައިގެ ލިޔުންތަށް އެޓާނީ ޖެނެރަލްގެ އޮފީހަށް ފޮނުވީ އެމްޑީޕީން ކަމަށް އެއޮފީހުން ވަނީ ބުނެފައެވެ.
Advertisement
27 ޖެނުއަރީ 2019