އދ އިން އަނެއްކާވެސް "މިނިކާވަގަށް މިނިމަސް ނުކާން" ގޮވާލައިފި އެވެ. 

ފަލަސްޠީނުގެ ރައްޔިތުންނަށް އަނިޔާ ކުރުން ހުއްޓައިލުމަށާއި ފަލަސްޠީނު ރައްޔިތުން ނުމެރުމަށް އދ އިން މިއަދު ގޮވާލީ އިޒްރޭލް ސިފައިން އިއްޔެ ފަލަސްޠީގެ ރައްޔިތެއް ކަމަށްވާ އުމުރުން 38 އަހަރުގެ ޙަމްދީ ނާސަން ޝަހީދުކޮށްލުމާއި ގުޅިގެންނެވެ.

ރިޕޯޓްތައް ބުނާ ގޮތުން ހަމްދީގެ ގައަށް ބަޑިޖެހީ ރާމަﷲ ކައިރީގައި އިޒްރޭލުން ވަޒަންވެރިކުރުވާފައިވާ ޔަހޫދީންގެ މީހެކެވެ. މެދުއިރުމަތީގައި ހުންނަ އދގެ މަންދޫބު ބުނީ މި ހާދިސާ އާއި ގުޅިގެން އޭނާއަށް ވަރަށް ބޮޑު ސިހުމެއް ލިބިފައިވާ ކަމަށެވެ.