އިންޑިއާ އިން ރާއްޖެ އަށް ދޭ އެހީ އިތުރުކުރަން ނިންމައިފިއެވެ.

މި އަހަރާއި އަންނަ އަހަރާ ދެމެދު ރާއްޖެއަށް ދޭން އިންޑިއާގެ ބަޖެޓްގައި ކަނޑައަޅާފައިވަނީ 575 ކްރޯޑް ރުޕީސް (5.7 ބިލިއަން ރުފިޔާ) އެވެ. މިދިޔަ އަހަރު ރާއްޖެއަށް ދޭން ކަނޑައެޅީ 125 ކްރޯޑް ރުޕީސް (1.2 ބިލިއަން ރުފިޔާ) އެވެ.

އިންޑިއާ އިން ރާއްޖެއަށް ދޭ އެހީތައް އިތުރުކުރަން ނިންމިއިރު، ރައީސް އިބްރާހިމް މުހައްމަދު ސޯލިހް ވެރިކަމަށް ވަޑައިގަތުމާ އެކު އިންޑިއާ އާއި ރާއްޖޭގެ ގުޅުން ވަނީ ބަދަހިވެފަ އެވެ. އަދި ދާދިފަހުން ރާއްޖޭގެ ޑިފެންސް މިނިސްޓަރު މާރިޔާ އަހުމަދު ދީދީ ވެސް ވަނީ އިންޑިއާއަށް ރަސްމީދަތުރުފުޅެއް ކުރައްވާފައެވެ. 

އިންޑިއާގެ ގާނޫނު ހަދާ މަޖިލީހަށް ސަރުކާރުން ހުށަހެޅި ބަޖެޓްގައި، 4.8 ބިލިއަން ޑޮލަރު އެކި ގައުމުތަކަށް ދިނުމަށް ހިމަނާފައިވެއެވެ.