އާރޓިކަލްކިޔުމަށް ހޭދަވާނެކަމަށް ބެލެވެނީ : 2 މިނެޓް, 12 ސިކުންތު
ބަންގްލަދޭޝްގެ މީހުން ވަޒީފާ ހޯދައި ރާއްޖޭގައި މަސައްކަތް ކުރަން ނައުމަށް އެގައުމުގެ އެމްޕްލޯއިމެންޓް މިނިސްޓްރީން އެދިއްޖެއެވެ.
ބަންގްލަދޭޝް ސަރުކާރުގެ އޮފިޝަލަކާ ހަވާލާދީ އެ ގައުމުގެ ނޫހެއްކަމަށްވާ ނިއު އޭޖްގައި ބުނެފައިވަނީ، ވަޒީފާ ހޯދަން ރާއްޖެ އައިސް ތިބި އެޤައުމުގެ އެތައް ބަޔަކަށް ވަޒީފާ ހަމަނުޖެހިގެން އެބަ ތިބި ކަމަށާއި ބަންގްލަދޭޝް ރައްޔިތުން ރާއްޖެ އައުން ހުއްޓާލަން ޖެހޭ ކަމަށެވެ.
މީގެއިތުރުން އެނޫހުގައި ބުނެފައިވަނީ ބަންގްލަދޭޝްގެ ރައްޔިތުން ރާއްޖެ ނައުމަށް ރާއްޖޭގައި ހުންނަ އެޤައުމުގެ ހައިކޮމިޝަނުން ވެސް އެދިފައިވާ ކަމަށެވެ.
ރާއްޖޭގައި މަސައްކަތް ކުރަން އަންނަ ބިދޭސީންގެ ތެރެއިން ގިނަ މީހުންނަކީ ބަންގްލަދޭޝް އަށް ނިސްބަތްވާ މީހުންނެވެ. އަދި އެމީހުން ކުރާ މަސައްކަތަށް އެކަށީގެންވާ އުޖޫރަ ނުދީ އެމީހުންނަށް އިހާނެތިކޮށް ކަންތައް ކުރާ ކަމުގެ ތުހުމަތުތަކާއި ޝަކުވާތައް ދަނީ ވަރަށް ގިނައިން އުފުލަމުންނެވެ.
Advertisement
13 ފެބްރުއަރީ 2019