ލ. ކައްދޫއިން އެއަތޮޅު މާމެންދޫއަށް ދަތުރުކުރި ޑިންގީއެއް ބަންޑުން ޖަހާލާ، އޭގައި އިން އަންހެނެއް ގެއްލިގެން ހޯދުމުގެ މަސައްކަތް އެމްއެންޑީއެފް އިން ކުރަމުން އެބަ ގެންދެއެވެ. 

ފުލުހުން މައުލޫމާތު ދީފައިވާ ގޮތުގައި ޑިންގީ ބަންޑުން ޖަހާލީ މިރޭ 21:30 ހާއިރެވެ.

ގާދޫ ކަނޑުން އެޑިންގީ ބަންޑުން ޖަހާލިއިރު އޭގައި ތިބީ އަންހެނަކާއި ފިރިހެނެއް ކަމަށާއި، އޭގެ ތެރެއިން ފިރިހެން މީހާ ފަތާފައި ގޮސް "ސިކްސް ސެންސެސް" ރިސޯޓަށް އަރާފައިވާ ކަމަށް މައުލޫމާތު ލިބެއެވެ. 

ގެއްލިފައި ވަނީ އުމުރުން 19 އަހަރުގެ އަންހެނެކެވެ. އޭނާ ހޯދުމުގެ މަސައްކަތް ފުލުހުންނާއި އެމްއެންޑީއެފް ގުޅިގެން ކުރިއަށް އެބަ ގެންދެއެވެ.