އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 5 ސިކުންތު
ޔަހޫދީންނަކީ ކުށެއް ނެތް މާތަބައެއްކަން ރާއްޖޭގެ ސްކޫލްތަކުގައި ކިޔަވައިދޭން ދިވެހި ރައްޔިތުންނަށް ވަގަށް އެއްބަސްވުން ހެދި ޚާއިނުން މަތިން ދުވަހަކުވެސް ދިވެހިން ހަނދާނެއް ނުނެތޭނެއެވެ.
އެކަން ދިވެހި ތާރީޚަކުން ފޮހެ އެއްވެސް ނުލެވޭނެއެވެ. އަދި އެކަން ކުރި ޚާއިނުންނަށް ދިވަހި ޤައުމު ދެކެ ލޯބިވާ، މާތް ﷲ އަށް ބިރުވެތިވާ އެއްވެސް ދިވަހި ރައްޔިތަކު މަޢާފެއްވެސް ނުކުރާނެއެވެ.
އެކަންކަން ކުރި ޚާއިނުން ދުނިޔޭގެ ކަންކޮޅުތަކުގައި ތިބެގެން ދީނީ މިނިވަންކަމަށް ގޮވާލަމުން ދިވެހި ރާއްޖޭގެ ކަންކަމަށް ފާޑުކިޔައި އަމަލުކުރަންވީ ގޮތް ބުނެދޭން އުޅުނު ނަމަވެސް ދިވެހި ރައްޔިތުން މިއަދުވެސް ތިބީ އެ އަޑު އަހާގޮތަކަށް ނޫނެވެ.
މިއީ ދިވެހި ރައްޔިތުން ކިތަންމެ ކުރަން ބޭނުން ނުވާ ކަމެއް ނަމަވެސް މިކަމަކީ ހިނގާފައިވާ ކަމެކެވެ. ކިތަންމެ ސިއްރުން އެއްބަސްވުން އެކުލަވާލަން މަސައްކަތް ކުރި ނަމަވެސް އެކަމުގެ ލިޔުންތައްވެސް ވަނީ ލީކުވެ މީޑިއާގައި ޢާންމުވެފައެވެ.
ރާއްޖޭގެ ރައްޔިތުން ރައީސް އިބްރާހީމް މުޙައްމދު ޞާލިޙްއަށް ތާއީދުކޮށް ވޯޓުދިނީ އެފަދަ އެއްވެސް ކަމެއް އެމަނިކުފާނުގެ ވެރިކަމުގައި ނުކުރައްވާނެ ކަމުގެ ފުރިހަމަ ޔަޤީންކަމާއިއެކުގައެވެ. އެމަނިކުފާނު ގެންދަވަނީ އެމަނިކުފާނުގެ ވެރިކަމުގައި އެއްވެސް ކަމެއް ސަރުކާރުން ނުކުރާނެ ކަމުގެ ޔަޤީންކަން ދެއްވަމުންނެވެ.
Advertisement
23 މާޗް 2019