ތިމާ ކިތަންމެ ޤަދަރުކުރާ މީހަކު ނަމަވެސް ގޯސްކަމެއް ކުރާނަމަ ނުވަތަ ގޯސް ބަހެއް ބުނާނަމަ އެކަމަކަށް އިންކާރުކޮށް ޙައްޤު ބަސް ބުނުމުގެ "ގަޓް" ކޮންމެ މީހެއްގެ ކިބައިގައިވެސް ހުންނަން ޖެހޭނެކަމަށް ޑރ. މުޙައްމަދު އިޔާޟް ޢަބްދުއްލަޠީފް ވިދާޅުވެއްޖެއެވެ. 

ޑޜ. އިޔާޟް މިމޭރުމުން ވިދާޅުވެފައިވާއިއރު ބައެއް ސިޔާސީ ބޭފުޅުން ކަނޑައެޅިގެން އިސްލާމް ދީނާއި ޚިލާފް ވާހަކަ ދެއްކެވުމުން ތަޢްރީފްކުރުމާއި "އެހެން އެވިދާޅުވީ ކޮންމެވެސް ސަބަބެއް އޮވެގެން" ކަމަށް ބުނުން މިވަނީ ޢާންމުވެފައެވެ. އެ "ކޮންމެވެސް ސަބަބު" ތިމާއަށް ނުއެނގޭ ހާލުގައިވެސް މެއެވެ. 

މިއަދުގެ ހުކުރު ޚުޠުބާގައިވެސް ވަނީ ވެރިންނަމަވެސް އެމީހުންނަށް ވެސް ނަޞޭޙަތް ދޭން ޖެހޭނެކަން ފާހަގަކޮށް އެކަމަށް އަމުރުވެސް ކޮށްފައެވެ.