އާރޓިކަލްކިޔުމަށް ހޭދަވާނެކަމަށް ބެލެވެނީ : 1 މިނެޓް, 35 ސިކުންތު
މާލޭ އިންޑަސްޓްރިއަލް ވިލެޖްގައި ހަދާފައިވާ ފިއުލް ސަޕްލައި މޯލްޑިވްސް (އެފްއެސްއެމް)ގެ ޕެޓްރޯލް ޝެޑް ހުޅުވައިފިއެވެ.
އެފްއެސްއެމުން ބުނެފައިވަނީ ކަސްޓަމަރުންނަށް ފަސޭހައިން ހިދުމަތްދިނުމަށް މިޕެޓްރޯލް ޝެޑުގައި 8 ޕަމްޕު ހުންނާނެކަމަށާއި ހިދުމަތް ދޭނީ ހެނދުނު 8:00 ރޭގަނޑު 11:00 އަށް ކަމަށެވެ. އަދި ހުކުރު ދުވަހު މެންދުރުފަހު 2:00 އިން ރޭގަނޑު 11:00 އަށް ކަމަށް އެފްއެސްއެމުން ވަނީ މައުލޫމާތު ދީފަ އެވެ.
މި ޝެޑް ހުޅުވުމާ ގުޅިގެން ސިނާއީ ސަރަހައްދުގައި މީގެކުރިން ހިންގަމުން ގެންދިޔަ ވަގުތީ ޕެޓްރޯލް ޝެޑް ވަނީ ބަންދުކޮށްފައެވެ.
އެފްއެސްއެމްގެ ޕެޓްރޯލް ޝެޑްތަކުން ކުރިއަށް އޮތް ރޯދަ މަހު މެންދަމު 1:00 ޖަހަންދެން ހިދުމަތް ދިނުމަށް ވަނީ ނިންމާފަ އެވެ.
Advertisement
25 އޭޕްރީލް 2019