އާރޓިކަލްކިޔުމަށް ހޭދަވާނެކަމަށް ބެލެވެނީ : 2 މިނެޓް, 44 ސިކުންތު
ފަލަކީ ހިސާބުތަކުން ދައްކާ ގޮތުގައި، ދުނިޔޭގެ އެއްވެސް މުސްލިމު ޤައުމަކަށް މިރޭ ރަމަޟާން މަހުގެ ހަނދު ނުފެންނާނެ ކަމަށް ކުރީގެ ރައީސް އަދި ފަލަކީ ޢިލްމުވެރިޔާ މައުމޫން އަބްދުލްޤައްޔޫމް ވިދާޅުވެއްޖެއެވެ.
އެމަނިކުފާނު މިއަދު ކުރެއްވި ޓްވީޓެއްގައި ވިދާޅުވީ، ފަލަކީ ހިސާބުތަކުން ދައްކާ ގޮތުގައި ދުނިޔޭގެ އެއްވެސް މުސްލިމު ޤައުމަކަށް މިރޭ ރަމަޟާން މަހުގެ ހަނދު ނުފެންނާނެ ކަމަށާއި އެހެންކަމުން 1440 ވަނަ ރަމަޟާން މަހުގެ ފުރަތަމަ ދުވަހަށްވާނީ މިހިނގާ މެއި މަހުގެ 6 ވާ ހޯމަ ދުވަސް ކަމުގައެވެ.
ހުރިހާ ރައްޔިތުންނަށް ރަމަޟާން މުބާރިކް އަރިސްކުރައްވަމުން ރައީސް މައުމޫން ކުރެއްވި ޓްވީޓަށް ރައްދު ދެއްވަމުން، ގިނަ ބަޔަކު ވަނީ އެމަނިކުފާނަށް ވެސް ރަމަޟާން މަހުގެ ހެޔޮ ތަޙުނިޔާ އަރިސްކޮށްފައެވެ. އަދި މިދިޔަ އަހަރުގެ ރަމަޟާންމަހުގެ ހަނދު ބެލިއިރު، އެމަނިކުފާނު ނެތުމުން އެކަމާއި ހިތާމަ ކުރި ކަމަށް ވެސް ބައެއް ފަރާތްތަކުން ބުނެފައިވެއެވެ. މިދިޔަ އަހަރުގެ ރަމަޟާންމަހު އެމަނިކުފާނު ހުންނެވީ ޓެރަރިޒަމްގެ ތުހުމަތުގައާއި އެމަނިކުފާނުގެ ފޯނު ނުދެއްވި މައްސަލައެއްގެ ތުހުމަތުގައި، ޝަރީޢަތް ނިމެންދެން ޖަލު ބަންދުގައެވެ.
According to astronomical calculations, the crescent moon for the month of Ramadan will not be visible to any Muslim country after sunset today. Therefore, astronomically the first of Ramadan 1440 will fall on Monday 6th May 2019. Ramadan Mubarak!
— Maumoon Abdul Gayoom (@maumoonagayoom) May 4, 2019
Advertisement
4 މެއި 2019