އިންޑިއާގެ އާންމު އިންތިހާބުގެ ބޮޑު ކާމިޔާބީއަށްފަހު އެގައުމުގެ ބޮޑުވަޒީރު ނަރެންދުރަ މޯދީ ގައުމުން ބޭރަށް ކުރައްވާ ފުރަތަމަ މަންޒިލަކަށް ދިވެހި ރާއަޖެ ހަމަޖައްސައިފިއެވެ.

މައުލޫމާތު ލިބިފައިވާގޮތުގައި މޯދީ ރާއްޖެ ވަޑައިގަންނަވާނީ އަންނަ މަހުގެ ކުރީކޮޅުއެވެ. އެހެންނަމަވެސް މިދަތުރާބެހޭ އެއްވެސް މައުލޫމާތެއް ދިވެހިސަރުކާރުން ހާމަކޮށްފައެއް ނުވެއެވެ.

މޯދީ ނިސްބަތްވާ ބީޖޭޕީ އިން އިންޑިއާގެ އާންމު އިންތިޚާބު ކާމިޔާބު ކުރުމާ ގުޅިގެން ރައީސް އިބްރާހިމް މުހައްމަދު ސޯލިހް ވަނީ މޯދީއަށް މަރުހަބާ ދަންނަވައިފައެވެ.

މިއީ މޯދީ ރާއްޖެއަށް ކުރައްވާ ދެ ވަނަ ދަތުރުފުޅެވެ. މީގެކުރިން ރައީސް އިބްރާހިމް މުހައްމަދު ސޯލިހް ހުވާކުރެއްވި ރަސްމިއްޔާތުގައި ބައިވެރިވެވަޑައިގަތުމަށް މޯދީ ވަނީ ރާއްޖެ ވަޑައިގެންފައެވެ.