ޗައިނާގެ ލޯނު އެހީގެދަށުން ރާއްޖޭގައި ހިންގާ ހުރިހާ މަޝްރޫޢުތަކެއް ނިމުމުން ޗައިނާއަށް ދައްކަން ޖެހޭނީ ޖުމުލަ 1.529 މިލިއަން ޑޮލަރު ކަމަށް ރާއްޖޭގައި ހުންނަވާ ޗައިނާ ސަފީރު ޒާންގ ލީޒޯންގ ވިދާޅުވެއްޖެއެވެ. 

އެމަނިކުފާނު މިފަދަ ބަސްފުޅެއް ވިދާޅުވީ ރާއްޖެއަށް ޗައިނާއިން ނަގާފައިވާ ލޯނުގެ އަދަދު 4.2 ބިލިއަނަށްވުރެ ގިނަކަމަށް އެމްޑީޕީގެ ރައީސް، ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވުމާއި ގުޅިގެންނެވެ. 

އެމްއެމްއޭ އިން ޢާންމުކޮށްފައިވާ ހިސާބުތަކަށް ބަލާއިއރު މިއަހަރުގެ ފުރަތަމަ ކްއާޓަރުގެ ނިޔަލަށް ރާއްޖެއިން މުޅި ޖުމުލަ ލޯނު ނަގާފައިވާ އަދަދަކީ 3.21 ބިލިއަން ޑޮލަރު ކަމަށް ބަޔާން ކުރައްވައި ރައީސް ނަޝީދު ވިދާޅުވާ 4.2 ބިލިއަން ޑޮލަރަކީ ކޮން ގޮތަކުން ހޯއްދެވި އަދަދެއް ކަމާއިމެދުވެސް ޗައިނާ ސަފީރު ވަނީ ސުވާލު އުފައްދަވައިފައެވެ. 

ސަފީރު ވިދާޅުވީ ޗައިނާއިން ރާއްޖެއަށް ނަގާފައިވާ ކޮންސެޝަނަލް ލޯންތަކުގެ އަދަދަކީ 872 މިލިއަން ޑޮލަރު ކަމަށެވެ. އަދި ޕްރިފަރެންޝަލް ލޯނުގެ އަދަދަކީ 657 މިލިއަން ޑޮލަރު ކަމަށާއި ޖުމުލަ އަދަދަކީ 1529 މިލިއަން (1.529 ބިލިއަން) ޑޮލަރު ކަމަށެވެ. އަދި އެކަމުގެ ތަފްޞީލްތައްވެސް ވަނީ ޢާންމުކުރައްވައިފައެވެ.

MMA data shows the foreign debt is MVR 49.6 billion at the 1st Q of this year,equivalent to $ 3.21 billion. Total loans from China include $872 million concessional loans and $657 million preferential loans up to last Nov. it means $1.529 billion in total when projects complete. pic.twitter.com/h8JXZemEML

— Zhang Lizhong (@AmbassadorZhang) July 6, 2019

RY vidhaalhuvi haru mudha vikka isthiqlaal nagaalumai guley gothun, RY ah dhanavan othee, China ah dharafaiva $4.2bn ah vure gina faisa dhakkan dhaulathah nukulhedhuneema dhen edheynee project thakun hissaa dhinumah adhi mi hissaa aieku gelleynee bimaai eku minivankan

1/2

— Mohamed Nasheed (@MohamedNasheed) July 5, 2019